KUKI WORSHIP SERVICE GUWAHATI - NUPITE
Tuni Oct.3, 2010 niso melhoi tah, KWS(G) te dinga aitih a suhmil louding nikho, eimu sah uvah Chung Pathen thangvah in umhen!
Jan.4,1998 a KWS(G) ihung kiphu doh uva pat in nupiten kabolthei pen’u chule apoimo pen tia gellin “TAONA” in pan ana kila pan’e. Lhaseh a second Saturday hi nupite taokhomna ni in ana kineijin, tuchan in hiche hi kichepi jing’e. KWS(G) Houbung in 2000 kum a pat, Hou-in mun choh ding ana gellun, taonan nupiten akipan hu jingin ahi. Taona lolhinsah, Pathenin, amun eihin choh doh sah un, chu in 2004 in Hou-in sah ihung kipan taove. Mipate se se Hou-in sa a akisah lel uva, pan analah jing laijun, nupite se sen insung vettup toh taona in mipa te ana kitosot jing in ahi.
Hou-in sah doh dinghi minuten akikhoh sah a akipoh nat lheh jeng vangin bolthei akineilou jeh in lung sung ah anakivop jingin ahi. Kum som tobang pona tah a taona toh thoa kahin vop uchu, tunin melhoi sellin, mutheijin ahung soh doh tan, kakipah beh seh jengun ahi. Thilpha seijou lou eibolpeh Pathen thangvah na kapeuve. Ahou-intheng tungdoh dinga hatloutah le lhasam tah KWS(G) Houbung mite Pathenin eiman chah uhin, AMA loupina akiphonge.
KWS(G) Nupi taokhom hon Hou-in sah na dinga thei kham kham’a Pathen songa pan ana kilah naho them khat kahin tah lang nom’e:-
| Dec.12, 2004 | > Rs.30,000.00 |
| Oct.9, 2005 | > Rs.10,000.00 |
| Aug.6, 2006 | > Rs.10,120.00 |
| Nov.19, 2006 | > Rs.11,080.00 |
| Mar.5, 2006 | > Rs.19,556.00 |
| Oct.19, 2008 | > Rs.13,800.00 (Pulpit) |
| Total | > Rs.94,556.00 |
Pulpit sem ding hi 2002 a kilolna ana kineisa ahin, 2008 a ahin kimolso thei jeh un Pathen kathangvah uve. Chule Pulpit hi Pi Nenghoi Manchong in ama tah in supervise abol’a, asemho chu adinpi, atoupi jeh a hung kibol doh ahijeh in Pi Nenghoi Manchong chung ah kipa thu akiphonge.
July 2007 a pat December 2009 sung hin Project chom khat ana kichepi jeh in deibangin contribution ana kibol theipoi. Project chu ahile, ihoubung mi ngaitah u, Pi Neichong le Pu Paolet Lhouvum in, vangset umtah a hinkho lemjeh a, ana dalhah hon, achateu Mangboi te ucha hi lhaseh in Rs.1000/- in kithopina ana kipen ahi. Chu in amaho ucha hi Pathen lungset vangin natoh ahin kimu lhon in chule aneopen Lamsi’n jong Matric ahin chaitai. Amaho ahung kipoh thei dom phat un kithopina ana kipe chu December 2009 in ana kingan, ahinlah akhoh khoh naova vetji dingin phatsah na ana kineije. 2010 a pat, Nute Project a ding in Evan.Moneswar Guala hi Missionary support akibol in, lhaseh a tohman ding in Rs.2000/- hi March 2010 a pat kum khat sung ding’in gonpeh ana hitai.
2010 kumbul nupite kilolna dung jui in, tukum a Hou-in lutna inei tah ding jeh un, hiche kin’a ngai cha ding le man chah dinga kigel ijatponu saipikhup hi, nupiten kipa nale kipeh na a, atoh thei chanin to ding in phatsah ana hi. Hiche toh kilhon chun 26.09.2010 ni hin pon 20 hi Houbung ho khut ah ana kipe lut tai. Pathen thangvah na peu hite, “Ijeh inem itile alung nachim ding deichat nale, tohnom na dinga nasung uva natong chu Pathen mama ahi bouve” (Phil.2:13).
Achung a hung kitah lang hou jouse hi ivet leh Pathenin hatmo le lhasam nupite jong eimang cha nomun, chule Pakai dinga itoh ule, ithilpeh houhi moh ahipoi ti akiphonge. Loupina le thilbol theina Pakai a jeng ahi.
KWS(G) le nupi kiloikhom ho Pathen in vang boh jing henlang, AMA hungkit kah sen che jom jing tahen!
Nupite Lamkai Masaho –le- Tua Lamkaiho
| Kum | Chairperson | Secretary | Treasurer |
| 1999 -2000 | Pi Nenghoi Manchong | - | - |
| 2001 | Pi Ngailhing Haokip | Pi Avei Touthang | Pi Khuolneihmoy Khongsai |
| 2002 | Pi Ngailhing Haokip | Pi Lhingnei Thangeo | Pi Khuolneihmoy Khongsai |
| 2003 | Pi Ngailhing Haokip | Pi Lamnu Doungel | Pi Lhingnei Thangeo |
| 2004 | Pi Ngailhing Haokip | Pi Lamnu Doungel | Pi Lhingnei Thangeo |
| 2005 | Pi Ngailhing Haokip | Pi Lhingnei Thangeo | Pi Ngaijahat |
| 2006 | Pi Ngailhing Haokip | Pi Hevei Haokip | Pi Lhingneihat Singson |
| 2007 | Pi Ngaijahat Kuki | Pi Lhingboi Haokip | Pi Lhingneihat Singson |
| 2008 | Pi Ngaijahat Kuki | Pi Lhingboi Haokip | Pi Lhingneihat Singson |
| 2009 | Pi Nengjahat Haokip | Pi Lhingboi Haokip | Pi Lalkim Hangshing |
| 2010 | Pi Nengjahat Haokip | Pi Lhingboi Mate | Pi Khuolneihmoy Khongsai |
Sd/- Sd/- Sd/-
(Pi Nengjahat Haokip) (Pi Lhingboi Mate) Pi Khuolneihmoy Khongsai
Chairperson Secretary Treasurer
2019-20
Chairperson: Nu Vanlalkim Hangsing
Secretary: Nu Nengboi Kipgen
Treasurer: Nu Kimcha Khongsai
