NEOCHA CHUNGA PATHEN LOUPINA KIPHONG DING
Pathen thilsem laha aneopen holaha kiseijing “SIHMI” hojengin jong chuhlai leh nipi lai tenga nehding ninglhing setnin akikholkhom theijun, lunggel themtahin, alamkaidiuvin aluboh (Leader) jong akisemdohun, Pathen thilsem Leinoi Lei chung kiselna omphon amangun, Pathen loupi na aphongdohun ahi.
Thilsem hojouse laha, akidang pen khat leh Pathen lunglai sunga cheng jing khatchu, amalim bang banga asem leiset “MIHEM” ahi. Thilsem jouse laha lamkai thunei ding chuleh ajemhoi dingleh aloupina phongdoh dinga asemsa mihem apehdoh ahi. Hitobang taha, chanvou loupitah ama noi doudinga chanpha kipehin chanpha aso dohsah jing hinam!!! Pathen nin Bible muntamtaha “HOUBUH-IN” tungdoh dingin lhendoh ISRAEL nam mite thumop anapejingin ahi. Peter hengah ka “HOUBUNG” katundoh ding ahi tin thupeh anasem pehin ahi. KWS(G) Pathen phatna jalla alen aneo alhom atam khentum umlouva lungkhattaha ipan khom nao limleh mel a mudohtheija umdoh chu Pathen “HOU BUH” isahdoh theiju hi ahitai.
Pathen thilsem jouse chunga, aloupina phongdoh dingleh, Pathen Gou chan, chana dingin alen aneo khentum aumpoi. Khentum umlouna Pathen houbuh sunga hunglha jouse chanvou dihtah changthei chehdingin malam galdot jingute. Pathen Houbuh limle mela imuthei laisen ipan khom nao khompi, Pathen jala ahatjing nadingin taonan panla jing ute.
Manglun Singsit
Treasurer KWS(G) Building Committee
KIPA THUPHON
David in Pakai Pathen mintheng jabolna ding in Hou-In khat tundoh ding analungtup in hitin aseije; “Pakai ka Pathen’u, keihon nangma mintheng jabolna’a man ding hiche Hou’in khat sahdohna ding a thil hijat nengjeng junga kahinto khomsoh keiyu jonghi nangma khut’a hungkon jeng ahin, aboncha hi nang a ma ma ahi” (1Ch 29:16). Hiche bible chang a kon’a imu bang un, tunin Guwahati khopi sunga cheng kukichaten kumsom tabang inaboipiu, kacholtai tilouva tomngai tah ipankhom nahou aga kipaumtah mutheija tuni 3rd October 2010 nikho a KWS (G) Church thenso thei dinga aumtah jeh in Pakai Pathen minloupi thangvah’in um tahen! Hiche lolhinna dia thaleh jung, sum le pai hintohdoh mun chom chom’a houbungho leh mimal a hin kithopi ho jouse, chuleh Guwahati khopia anacheng masa ho (Founding member), officer ho, solkal natongho, hou natongho chule simlaiho chunga kipana seijoulou kahin phonge.
Chuleh Kum 1998 apata Pakai in akelngoite ching ding a angense, KWS(G) Houbung lamkai ho jouse, abahkai ho i.e. Building Committee, Missionary Board, Women Society leh Khanglaite lamkaiho jouse chunga jong kipa thu kahin phonge. Guwahati khopi hi, sah solam gamkai (North Eastern States) a cheng ho dia peldoh theilou khopi poimo tah khat ahi tohlhona Kuki chaten jong Pakai mina ikiloikhom nadiu KWS (G) Church ineithei tahjeh un eilolhin sah u Pakai pathen hatchungnung thangvah in um hen.
KWS (G) Hou-In sahna dinga Date 5/4/2000 to Date 25/9/2010 sunga sumlepai kimujat leh akisumangjat, anoija banghin kahin tahlang in ahi:
- Akimujat (Income) : Rs 77,75,612.75
- Akisumangjat (Expense) : Rs 77,59,903.25
- Khut’a sum umjat (Balance) : Rs 15,709.50
(Rupees Fifteen thousand seven hundred nine and Fifty paise) only.
Hiche achunga kitahlang Income and expenditure statement hi, building project kipat akon’a achaichan final Audit report dungjuija hung kipe ahi. Hiche Audit bolna a eikithopiu Auditorho chuleh adehset a tu tua KWS(G) Auditors Pu Manglet Haokip leh Gl. Haopu Khongsai chunga jong kipathu akiphong in ahi.
Pathen in muntin’a um Kuki chate jouse avangboh na eipeh cheh uhen lang KWS (G) vangboh jom jing tahen, Amen.
Pakaija na lhachao,
(MR THONGKHOLET MATE)
Secretary, Building Committee, KWS (G)
