Updates

KWS GUWAHATI MISSIONARY DAY 2018 lolhing tah a kimang.

KWSG March 04, 2018: Kumseh leh March lha sunday masapen nikho leh Missionary Day man ding tia thulhuh anahi toh lhon'in tunin Mission partners hotoh Missionary Day lolhing tah in ana kimang tai.

Mission Partners holeh Prayer Cell lamkai hon Pathen vahchoi lasah naleh thangvah taona'n mipi alamkaiyun lhagaova halna aum lheh e. Phatvop in Pa Manglet Haokip, Treasurer MB apang'e. Pa Helhun Kipgen, Secretary in phonlouva khoh ho ana phongdoh in chuleh munchom chom a kon eihung kikhoppiu mi 10+ lang jong mipi mutheiyin adindoh sah e.

Upa quartet hon jong Pathen vahchoila ngeitah asau uvin ahi. Mission Department hotoh kithokhom ding'a mission partner tukum a kichopbe Grace Ministry (Rev Thenmang Kipgen) leh Solo Ministry a eikithopi diu Pastor Thensiem Singson lhandohna kin jong KWSG Pastorpa'n aneiye. Bible lungchin chang simdoh in Nl Chonghoi Singson apang in ahi. Nithum tonic solfa jillai hon jong Pathen vahchoila ngainom umtah ana sauvin ahi.

Rev J Mang Doungel in Pathen thuseina “KATHU HETTOHSAH’A NA PAN DIU AHI” ti thupi mangchan phat ana lan ahi. [visit
Sermon link]

KWSG in Rev M Haokhothong "Pastor Emiretus" title pe ta.

KWSG March 04, 2018:

KWSG kibulphu apat Kinthempu tohmun kum somni valset phat jousea ana tong jing Rev M Haokhothong chu atohphat hetpehna le jabolna in KWSG in Pastor Emiretus title ape tai. Amahin kipani, gentheini, hahsatni, thini, manni hijongleh angaichat phat phat a Houbung mipi tilkhou leh taopeh a sun le jann dehkhan louva ana vaikon jing ahi. Chuleh houbung mi khentum neilouva vesui jing ahi naban a lungel imchep neilouva thusei leh mihil ahi jeh in homtho aum dehset e. Hetbe thei chu Emiretus title hi professors, pastors, presidents etc ho pension ache masang uva anatoh na mun uva atohphat nao hetpehna le jabolna a anatohna organisation hochun hiche title hi apehji ahi. Hiche min kiput sah ho hin atohdiuva lomho abol diuva kon a kilha ong ahi tai tina jong ahi dehpoi.

KWSG houbung mipi thalheng in Pu K Doungel, Chairman ahoulim in achung'a kipana seijoulou aphong'e, chuleh kipa vetsahna in Saipikhup Ponsil silpeh naleh Memento jong Pu Helhun Kipgen, Secretary toh kithon ape lhon in ahi. Rev M Haokhothong in jong kipahtah in thilpeh ho anakisan in ahi. Pathen heng'a kipathu seina leh taopeh na Rev Akhai Touthang, KWSG Pastor in ana neiye.

1Timothy 5:17, "Upa lamkai pha, thu seiphong le' thuhil lama hapan'a pang ho chu tohman ajat ni chan amu diu lom-tah ahi."

KWSG 2018 kumbul kihouna ana umta.

KWSG, Jan 28, 2017: Pakai kum 2018 sung'a houbung tohgon seikhomna mipi 100 vel panlah na in sunday school hall mun ah ana um'in ahi. Kumbul kihouna a mipi deilhen dung juiyin thuseitoh in Rev S Akhai Haokip apang'in chuleh thuching in Pastor Thensiem Singson ana pang'e. Kilolna ho hethei dol ho anoiya hin achomlam tah in akitahlang'e.

1. Houbung calendar 2018 mipin phatsahna akipe tai. Atamjo ningkum a bang ahi in, akikoibe chu Monthly Fating Prayer Day, Youth Day, General Election tiho ahi. Chuleh calendar hopsung hi Janaury-2018 to Jan-2019 hiding ahi tai. March Houbung lunglaiya pat kimuthei tan te.

2.Pastor Emeritus, KWSG:: KWSG in full time Pastor akigoi tah jeh in Houbung ana kibulphu a pat Pastor a eina panpeh jing'uh Rev M Haokhothong hi Pastor Emeritus, KWSG title ahinsung'a pehdin pha akisan ahi. Chuban ah phatsot tah pi houbung in sumlepai kithopina pelouva khopi sung'a vilding hihen ijakai houbung in angaichat phat2 a thempu natoh jouse eina bolpeh na chung uva kipathu akiphong in chujongleh lhaseh in Rs 5000/- kithopina kipe tahen tin phatsah ahi.

3. Mission Board ho proposal a Mission Department in Motto, Vision chuleh Core Value ahin sem uchu mipin pha akisan ahi. Chuleh mission Board tohgon ho jong phatsahna akineiyin ahi. Muntin a prayer cells ho Mission Department toh kiheto jing diuvin jong kilolna ahi.

4. KWSG Sunday School : Tuchanna KWSG Sunday School hi Executive toh Supdtd mopohna noiya um ana hi in, tua achedan ivetleh department lhingset a kipothei ahitah jeh uvin Sunday School Department tia hetdin phatsah ahi tai chuleh amahon syllabus hihen tohgon hijongleh ahin kingaito pandiuvin kilolna ahi. Hiche hi Danbu velvetna aumteng suhtoh din jong pha akisa tai.

5. Church Hall phaldoh thu: KWSG in ana kichepi chu pao kibahpi hihih jongleh tahsan kibahpi jousen Houin hihen Hall hojingleh aman peh a phalpeh ding'a ana kiphatsah ahi in ahinlah pao kibahpi lou amangho hi akivetleh eiho deibang'a kimangcha alhomjeh in, pao kibahpi louho man din phal ahitapoi tin kilolna ahi tai. Ahinlah christian organisation hon meeting mun ding'a ijem tia ngaichatna ahin nei khah uleh Executive hon avettoh uva thulhuhna aneidiuvin pha akisai.

6. KWSG Silver Jubilee ding'a kigotna: Silver Jubilee mantei ding phatsah ahitoh lhon in tun kum 4/5 bou aum tan hijeh chun kumseh a Rs 2.00 lakh Jubilee fund a ding'a koidoh din phatsah ahi.

7. KWSG Society Registration: CKWS (AIKWSCC) in registration abol teng unit hon jong hiche registration chu manthei ding ham tia lungel ana kinei chu Khanglai 2017 kihou khom pet a unit jousen aum um na mun uva registration kibol cheh ding'a lungel aumtoh lhon in, tukum sung'a KWSG hi registration boldoh loi din phatsah ahi. chutoh lhon chun angaicha ho jouse leh hin tongdoh din Executive nganse ahitai.

8. 2018 Tohgonho..Alhangpin tohgon anoiya hung kiminphatho (Church painting tilou) boldoh teidin deisah ahi toh lhon in Executive hon sum le pai lutding alhom thei pen ding'a ahin vet uva, sunday nikhat leh mipi nopna alah diuvin phatsah ahi tai.

a) Hou-inn AC koi ding: Three member expert committee akisem in half yearly review meeting teng thahvet din phatsah ahi tai.

b) Church Kitchen sah ding

c) Church Parking

d) Keyboard

e) Stair case..differently able ho lutna theiya sem ding

f) Hall Partition leh Echo problem

g) Youth Seminar, Music class

h) Upa naolhangho ding'a Workshop

Kikhop sung'in refreshment tuitah Pa Thangtingam le insung miten Car thah lopna in ana hom uve.

Kumkha taona Upa Manglun Singsit in aman jouvin mipi anneh khom na jong ana um'e.

Kilona ho Meeting minutes section a lhakit leh muthei hinte

KWSG Advent Christmas 2017 kimang chai ta.

Dec.3, 2017: KWSG in Advent Christmas 2017 lolhing tah in mipi 450 vel kikhom in ana mangchai tan ahi. P&W Team hon Pathen vahchoila sahkhom in mipi ana lamkaiyun, christmas spirit aum lheh e. Rev Dr Mansang Songate in Pathen thua tilkhouna, "Christmas and 7 S's" Mathew 1:18-25 mangchan power point presentation toh thon Pathen thu tuitah in mipi ana vahvan ahi. Hmar Gospel lasa them a kithang Ng Lalnunthiem Hmar in jong christmas vahchoila ngeitah ni ana san ahi. KWSG Church choir hon jong Pathen vahchoila ngeitah in mipi ana tilkhou uvin ahi. Khanglai dept hon jong houin leh akimvel vethoi tah in christmas tree in ana jem hoiyun ahi. Kimanchahna achomlam tah a kila khom anoiya ahung kipe e.

11-11:30 :: P&W team makai na in Christmas lasah khomna nomtah leh haltah in ana um in ahi.

11:30-11:52: Thuphonphat sung’in KWSG Secy in houbung thalhenga phat amang in, advent Christmas programme a hung kalsoung jouse liemna thuleh asei jouvin, KWSG a hung kai masa pen ho jong mipi het in aphongdoh e. World disable day ahitoh lhon in houbung sung’a differently disable ho liemna leh tilkhouna aneiyou vin houbung a kon kipathilpeh KWSG Pastor patoh ape lhon in ahi.

11:52-57:: December lhasung’a ana pengho (mi 19 lang) ding’in vangthum pehna phat Rev Dr HD Angam in amang’in Pathen thutheng Gal 4:4 simdohna aneiyouvin lhasung’a piengho taopehna in aneiye.

11:57-12:: Bible chang sim: Ng Canny Guite in Mary’n vahchoila asah Luke 1:46-55 lungchin in ngeitah in ana sei lhan ahi, Gl Lenminsang Singson in Isa 9:6-7 lungchin in ana seiye.

12:0 - 12-05: Ng Lalnunthiem Hmar in Christmas la ngeitah in ana san

12:05-12:40: Message: Sermon text hi Sermon section a vet thei ahi.

12:41-12:55: Gl Victor Doungel in world disable chung chang’a houlim naleh Chennai a World Disable conference ajaona thu ho aseiye.

12:55-1:00: Ng Lalnunthiem Hmar in Christmas vahchoila asa in ahi.

1:01-2:30: Department chom chom hoa kon kipathilpeh hopdohna ana um in ahi. Het thei khat chu Nute hon houbung sung’a akum tam ho (senior citizen) Christmas gift ana peu vin, avet hoi lheh e.

12:30- 2:35 KWSG Choir makaina’n mipi Vannoi kipah hen Pakai hung lung kitoh tah in choh thet in akisah khom jouvin, KWSG Pastor in maicham thilto leh khumkha taona amang in, ngailut annkoung sokhom ahi tai. Tuchung in um le bel sutheng ding’in KSO Lamkaiho ahung pang’un pachat aum lheh e.

Nov 27, 2017: Khanglai 2017, Delhi souvenir leh Khanglai 2017 kingon sung'a thuso "Huilhi" anoiya link hoa hi vethei ahi.

http://www.aikws.org/en/khanglai-2017-delhi-0

KWS(G) in kum 20 alhinna toh Church choir ho lolhinna prize lopna nei

KWSG Nov-19: Kuki Worship Service, Guwahati in akiphudoh kal kum 20 lhinna thupi tah in houin munnah ana mang uvin, Rev.Dr H.D Angam Haokip in “Houbung in abol ding pen chu ipi ham” ti thupi mangchan Pathen thuseina aneiyin, houin letset in mipi kaikhomna ana chelhan ahi.

KWS(G) hi achesa Nov 17, 1997 kuma Guwahati khopi sunga Kuki chate jousen denomination a kikhen telna beihel a thakhat a Pathen ahou khom thei nadiuva (L) Pu V. Changsan, IAS Retd in munna ana phutdoh uh ahin, Pathen jal in tuhin houbung member jong akibe jingin, houin mun leh church building jong lamdoh ana hitan ahi.

Hiche kingon ajong KWS(G) choir in tunai cha a Delhi tolpi a CKWS (AIKWSCC) tohgonna noiya Khanglai 2017 choir competition a Prize 2 tah ahinmu nao lopna toh anakimantha in ahi. Guwahati khopi alet tah jeh in, kisuhkhom ahahsat jeh a Houbung mipi kimkeiya Pathen thangvah na kin neikhom ding deisah jeh a sunday nai pen² a KWS (G) Foundation Sunday Day man ding'a phatsah ana hitoh lhon'a Khanglai Choir ho Prize lopna toh gom'a 19th Nov-2017 (sunday) nikhoa kimang khom ahitan ahi.

Melchih thei khat chu KWS(G) choir hin Khanglai 2017, Delhi a KWS unit 9 in choir competition anei nauva “Niloupi khat imu tauve” la a 1st Prize toh la deilhen "Pathen chu loupi hen "(free choice) a 2nd prize ahin mu’u ahi.

Pu Khupmang Doungel, Chairman KWSG in mipi ahungho chunga kipathu seina leh Houbung kipat til laiya kivaipoh dan thusim seina aneiyin, Houbung phutdoh a pang ana molliem sa lamkai ho geldohna in mipi jouse thipchet in Minute 1 tobang ana ding soh kei uvin ahi. KWS(G) Choir director Gl. Mangmin Singson in Khanglai 2017 a akimanchah nao report pehna aneiyin, Khanglai Choir hon vahchoila ngeitah sahna anei uvin ahi.

Alangkhat a sunday school department hon jong next sunday teng final exam abol diu toh lhon in chapangho toh kihoulim khomna ana nei uvin ahi.

Kingon kichaiyin Guwahati akon kalsong Khanglai 2017, Delhi delegates ho vailhunna leh KWS(G) kum 20 alhinna toh gom in mipi jousen lung kitoh tah in ankong sokhomna anei uvin ahi.

KWS Guwahati Khanglai 2017 Choir create history.

KWSG Oct. 30, 2017: Khanglai 2017, Delhi kingon a KWS Guwahati akon member 62 aga pang in, che le hung in delegates ho train kisuhmo jongleh tahsa leh lhagaova kalsonbe na ding tampi ahin kimudoh jeh uvin, kipah thanom tah in ahung vailhung tauve. Chuleh, kum dang'a Khanglaiya kitetna ho a ana losam jengjong leo lungneo louvin phat ong aneisun uh lajilna a aman uh gasoh in, Houbung La- "Niloupi khat imu tauve" kitetna a Guwahati Khanglai Choir ho in 1st prize (Trophy + Rs 5000 cash award) achang tauvin ahi. Chukit leh ladeilhen kitetna a achun "Pathen chu loupi hen!" asauvin, 2nd prize (Rs 4000 cash award) achang uve. Nisim 27/10/17 jingkah kaikhom pet in KWSG P&W team hon, vahchoi lasah a Pathen houkhom ana lamkaiyun, mipi lhagaova halna achang lheh e. Chujongleh jan kaikhom pet in Special item "hand mime" khanglai hon abol'un mipin avetnom lheh un chuleh kidang jong asauve.

Trophy leh cash award ho houbung lamkaiho khut a pehdohna vaikon ho lah a Pastor KWSG leh Chairman Khanglai dept in Pathen ni 05/11/17 kaikhom pet in ana nei lhon in chujouvin Khanglai delgates ho, vailhun taopehna Rev M Haokhothong, Sr Pastor KWSG in amang'e.

Pathen lhagao puihoina kingon ho phatecha a kichai thei jeh leh kitetna a 1st prize lah jeh in train chung'a thacholna ho akihaimil leotai tihi delegates hoa kon awgin kija chu ahi.

Khanglai Choir ho pachanna sangpen ahimu uh kipapina a 19/11/17 teng Pathen thangvah naleh ankoung sokhomna houbung mipi jous ehop a umding ahi tai.

Khanglai 2017 lim navetnom leh Photo Gallery a um'in te.

KWS GUWAHATI MISSIONARY DAY 2018 lolhing tah a kimang.

KWSG March 04, 2018: Kumseh leh March lha sunday masapen nikho leh Missionary Day man ding tia thulhuh anahi toh lhon'in tunin Mission partners hotoh Missionary Day lolhing tah in ana kimang tai.

Mission Partners holeh Prayer Cell lamkai hon Pathen vahchoi lasah naleh thangvah taona'n mipi alamkaiyun lhagaova halna aum lheh e. Phatvop in Pa Manglet Haokip, Treasurer MB apang'e. Pa Helhun Kipgen, Secretary in phonlouva khoh ho ana phongdoh in chuleh munchom chom a kon eihung kikhoppiu mi 10+ lang jong mipi mutheiyin adindoh sah e.

Upa quartet hon jong Pathen vahchoila ngeitah asau uvin ahi. Mission Department hotoh kithokhom ding'a mission partner tukum a kichopbe Grace Ministry (Rev Thenmang Kipgen) leh Solo Ministry a eikithopi diu Pastor Thensiem Singson lhandohna kin jong KWSG Pastorpa'n aneiye. Bible lungchin chang simdoh in Nl Chonghoi Singson apang in ahi. Nithum tonic solfa jillai hon jong Pathen vahchoila ngainom umtah ana sauvin ahi.

Rev J Mang Doungel in Pathen thuseina “KATHU HETTOHSAH’A NA PAN DIU AHI” ti thupi mangchan phat ana lan ahi.

#Sermon lahchom

Your encouragement is valuable to us