SUNDAY SCHOOL DEPARTMENT 2019
- Sunday School Chapang jat = 145
- BEGINNER 1 A = 12 ( PASAL-4, NUMEI- 8)
- BEGINNER 1B = 8 (PASAL -3, NUMEI-5)
- BEGINNER 1C = 8 (PASAL-4, NUMEI-4)
- BEGINNER 2 = 9 (PASAL- 3, NUMEI-6)
- BEGINNER 3 = 7 ( PASAL – 6 , NUMEI – 1)
- PRIMARY -1 = 8 (PASAL – 5, NUMEI – 3)
- PRIMARY -2 = 18 (PASAL- 10, NUMEI-8)
- PRIMARY – 3 = 11 ( PASAL-8, NUMEI- 3)
- JUNIOR-1 =10 (PASAL – 5, NUMEI- 5)
- JUNIOR-2 = 7 ( NUMEI- 7)
- JUNIOR-3 = 14 ( PASAL-7, NUMEI-7)
- INTERMEDIATE-1 = 7 (PASAL-3, NUMEI-4)
- INTERMEDIATE-2 = 14 (PASAL-8, NUMEI-6)
- MUSIC = 12 ( PASAL= 5, NUMEI-7)
- JILKUNG JAT = Mi 19
- Minu = 07
- Nungah = 06
- Gollhang = 04
- Mipa = 01
- ACTIVITIES KIBOL HO :
- Teachers’ Orientation
- Palm Sunday ( marching)
- Good Friday ( movie show : Passion of Christ)
- Easter Sunday ( Children activities- Easter Eggs Show Competition)
- Exams nivei ( Half yearly & Final )
- Chate Camp ( KWS Houin mun a kibol)
- Chavang kut nia chapang hon Anglo-kuki war drama tho
- Sunday School Day ( song, memory verse competition)
- Prize ho hopdohna kimang.
Pastor Haopu Haokip Chungjalam Changsan
(Superintendent) (Secretary)
Pathen phatna jallin KWS Guwahati ivang phaovin tukum - 2017 sung din chate sunday school kaitheijat tuni chan a record thei chu:-
- Begginer- 27
- Primmary- 20
- Junior - 07
- Inter. - 21
- Senior -10
-----------------------------
Total 85
Jil kung ho hapan najalin sunday school hi phatah in ache lhajingin ahi. Minu mipa hon chate ikhoh sah dan u hi ivet leh Pathen ingaisah nao hi seitam louva het thei ahijehin, Sunday school jilkung ho jouse tha lhengin kipa thu kahin phongin ahi. Career group hi achejing lai HSLC etc exame kichai lam leh kipan kit vah ding ahitan, tao nan gel doh jingu te. Koitobang chate aphat cha sunday school kaisah man lou ium khah jong leu avai geitai ti aum pon phat seha lem ahijenge.
Chuleh KWSG executive hon ngaicha dung juija infrastructures neihin bol peh jing jehun Pathen minin kipathu akiphonge.
Loupi na Pathen chang johen
(on behafl KWS G Sunday school)
Upa Manglun Singsit
Sunday School Teachers - 2017-18
Superintendent : Upa Manglun Singsit
Teachers:
- Beginners: Nu Olivia, Nu Heting & Ng Helhing
- Primary: Gl. Mangcha & Ng. Lhainei
- Junior: Pa Haopu & Ng. Chullou
- Intermdediate: Pa. Paominlu & Nu Ngailhing
- Senior: Pr Haopu & Dr Jolly
- Career Class: Dr Angam, Nu Hevei & Nu Hoiboi
CHAPANGTE SUNDAY SCHOOL, KUKI WORSHIP SERVICE, GUWAHATI
Tua kona kum 200 vel masang chun England a thuso “Gloucester Journal” tia anakihe Editor pa, Robert Raikes chun chapang ho mitdoh sah ding lunggel ana neitai. Hetlou man leh vaichat mana chapang tamtah school kailou anahi. Chapang ho hin hapta sungah Sunday nikho tilou adangsen sum anaholun, Sunday nileh suti ahiuvin, hiche nikho hin avah chavai un, gitlou abolun, asoseuvin anahi. Loubol miho leh dukan bol hon Sunday nikhoa chapang ho vathang leh douse bol ho chu ana theida lheh ui. Hapta lhung kei-a chapang neoho sumlo jong chu ima seikham behseh anahipoi. Hijeh hin ahinkhou lhumkei-ah vaichat hin adalha deh pouve. Robert Raikes in amaho hi ana khoton, hiho hi thilli kihet them sah leh khantouje ahin hetdoh uva, akhonung hinkhou chombeh ding ahi, ti ana geldoh tai.
Hijeh chun aman Meredith tia kihe nupinu khat toh akihou toh in, amanu hin chapang ho chu simje, sutje, telje, (three R’s = reading, writing, arithmetic) chule chonchan pha Bible in ahil ho (Biblical Morals), amanu ina buhonna indana (Kitchen) ana hil pan sah tai. Chapang ahenga hung ho, michan cheh-ah Shilling khat cheh ahil man din Robert Raikes in numeinu hi athaman din ana pei. Ahinla chapang ho hi asose valun, amanu hin atuhgahje ana hepon, Sunday nikho seh-a chapang vahthang ho achop-a anahil chu angatai. Robert Raikes in apatdoh sah “Sunday School” chu amachal jou tapoi. Chuin Raikes in Kings kitinu anganse kit in, hichenu buhonna indana aboljom un, hikoma chun May Critchley kitipan Sunday seh jingkal pung soma konin somleni gei chule nilhah pung khat a konin nga gei ana hille.
Hikoma chapang hungkai ho chun akhut akengu ahin kisil ngimuva, asamu jong phatea samthia ahin kipo sohkeina diuvin asei peh un, hitia ahin hiljom joma ahileh chapang ho chu ahung thanom doh tauve. Chomkhat jouvin chapang 90 jen ahung kai tai. Kum 1783 chun Raikes in Sunday School alolhin dan athuso bola chun ana seiphongin ahileh Christian milung lenhon apot thona leh alolhinna chu ahin kipa piuvin ahin panpi tauvin ahi. John Wesley in ana jop pai in, ama houbung hoa Sunday School anabol tauve. London a cheng sumkolvei William Fox in jong chapang ho khantouna thei ding thilgon alungin anavop in, hijeh chun aman Robert Raikes thilbol hi ahin kithopi jotai. England a mun chom choma Fox in “The Society for the support and Encouragement of Sunday Schools” kiti ana pandoh in ahi.
Thilpha ahijeh chun vannoi leiset houbung hon jong Sunday School ahinbol tauve. Kum 50 jouvin vannoi leiset a mun lakh 15 ah Sunday School ahung umin, hiche hoa mihila pang ho chu oja 1,60,000 ahiuve. Thil ni ahung kikhele. Khat chu ahileh, akipat lai chun ojaho lo ana kipen, khonung in kipehna in ojahon lo neilouvin mi ahin hilui. Anina chu ahileh, akipat lai chun kihilna (Curriculum) chu 3 R’s leh Bible thudol anahin, khonungin chapang school kaina mun sorkar in ahin suhpung tah jeh in (public education developed), 3 R’s ho akihil tapon, Sunday School hoa Bible thudol leh laho bou ahung kihile.
India sunga Sunday School hung kipatna hi Serampore ahin, Willam Carey, Marshman, chule Ward amaho thumin kum 1800 chun ana pandoh uve. Sunday School convention amasa pen chu, January, 1876 in Allahabad a ana bollui. Hikoma chun missionary society 8 a konin thalheng mi 77 ana pange. Kum 1890 chun General Scretary masapen din, USA mi Dr. J.L. Philip ahisah un, India Sunday School Union tin ana minsah un, aman chele valena anamanchah chu bong gari, sakol, khut a kisonlele gari ho anahi. Kum 1933 chun India mi masapen Rev. Ralla Ram chu ISSU President ahung hi. Kum 1942 chun Mr. V.M. Koshy chu India mi General Secretary masapen ahung hi. Hiti chun India sunga hungbung hon Sunday School phatchomna ahet dung juiyun ahung machalpeh tai.
Eiho hetdin, til chun Guwahati khopia Zomi Christian Fellowship a ana kikai in, hiche ZCF hung kipatna hi akisut-a ahileh, 1982, December 25 nia Maligaon a cheng Mr. Douzathang Guite ina pao khat-a kiheto theiho sesen Christmas ana mankhom a kona chu ahung hitai. Kum 1991 lai chu ZCF thupi lai anahin, hiche lai chun chapang Sunday School hi ana umin, ahinla mun kitup ana umpon, lentol gam-onga ana kikhom jiuvin, gojuh meikai ni chule nisat behseh nileh chapangten akititna diu mun aholmo jiuvin, akikhop-u chu ahahsa jin Sunday School ahina ding dol bangin anachelha jipoi. Pathen lungset in Guwahati khopia Kuki chate ahung tambe ben ahile, Kuki Students Organisation ten pao khat a kiheto theise atum beh a kikhopmona ding aumpoi ti ahin hedoh un, January 4, 1998 ni chun Satribari Christian Hospital Chapel a kikhopna ana kinei in, hiche nikho chun kaikhomna jong ana kithenso tai. KSO lamkai nan kaikhom ana kibol panin, chuin kaikhom mopohna chu October 9, 1998 in houbung mipiho khut-a ana kingamin, hiche jou kalse kaikhomna chunga Kuki Worship Service, Guwahati in thaneina lhingset in tuni chan gei-in vai ahinpo tai.
KWS-G in ahin poh phat chun chapangte dia Sunday School bollou akhohna jong ahung kisei in, chapangte phatchom na din amaho din Sunday School ahung kipan tai. Sunday School akipat til chun chapang jong agomin som noilam bou ana hiuvin tuhin mi 25-30 sung ahitauve. Chapang ho hi loi ni in akihomin, aneo loi ho Class III gei simho ahiuvin ( Beginners, upto Class III) achomin akihilin, chule alen domse Class III chunglamse (Juniors, above Class III) achomin akihilui. Tupet in Sunday School mihil leh mopoa pang adeh in, nu ngah nileh gollhang khat ahiuvin, amahon Bible chang, chule lachom ahil jiuvin, phatea akihil jouvun mipi kaikhomnaa ahung pangun, niseh-a ajildoh hou Bible lungchin asei jiuvin, chule lachom jong asa jiuvin, chapang ten aphat chompi lheh uve. Guwahati khopia Kuki chate ahung kibe jingin, hijeh chun Sunday School jong thanop aum jinge.
Sunday School hi England leh America ten ana pom masauvin hijeh chun lekha thepna lamleh houthu lama hiche gampi teni hi ahung khangtou lheh in ahi. Kum 1800 vel chun Sunday School hon houbung ho henga lathah thah tampi jong anasempeh uve. Lolhinna lenpen chu ahileh, chapang chule khangthah tampi hinkho Sunday School in lhagao lamleh tahsa lama ahin khantou sah hi ahi. Hijeh chun Kuki Worship Service ten Sunday School hi masot cheh utin, Pathen lama chapang te leh khangdongte semphau tin khantou sah leu hen Pathen phatthei boh ichan diu ahi. Pathenin Sunday School mihil ho leh chapang ho abonun umpi jing tahen, chibai.
Pathena nalhachau,
Ms. Nemboi Manchong,
In-charge KWS-G, Sunday School, 2008
Guwahati, September, 2008.
