Aims & Objectives

DOILE TUP HO: (Aims & Objectives) 

1. Pathen Thu, Huhhingna kipanaThupha, seiphongna le hilna nei jing ding;
2. KWS (G) member jouse lhagao le tahsa lam'a semphat ding, suhhal ding chule pi lhinsah ding;
3. Missionary natoh na lama nasatah a pan lah jingding;
4. Nute-Pate, khangthah te chule Houbung mipite jouse tahsa le lhagao lam'a akitil khou ule akitho    khom theina diuva pan lah jing ding;
5. Chapang ho Pathen Thu leh la'a a khantou theina diuva Sunday School a pui huoi jing ding;
6. Guwahati khopi sunga amun muna alemchang thei penna hopkhenna Prayer Cell neisah jing ding;
7. Nopni - Dani a kipakhom-kilhamon to ding, chuleh
8. Christa a Huhhingna neilou laiho ding a huhhingna lampi sempeh a huhhingna hong sung a puilut tei tohgon jing ding.

KWS (G) TAHSAN PHONDOH (We Believe)

1. "Pathen Lekhabu Theng", Semtilbu a pat Thuphondoh (Bu 66) hi Pathen Thuhing ahin; Pathen in ahu’a ahai khum kikhel theilou, mangthei lou, tonsotna um jing ding; Pathen in amanchah mimasa lhagao mihon asut u ahi. Christian te kipumkhat na le kingapna, chonphat ki sinsah na le tahsan na natoh na ding a thunei sangpen ahi ti katahsan uve.
2. Pathen hingjing le atheng dihtah khatbou aume, Ama chu ‘PATHEN!’ ahi. Pathen khat chu Thum ahin, chule Thum chu Khat ahi.  Amaho chu Pa-Pathen, Chapa-Pathen chule Lhagao Theng-Pathen ahi ti katah san uve.
3. Jesu Christa hi Pathen Chapa changkhat neisun ahin; Mihemte chonset a kon lhatdoh ding a, nungah thengsel, Mary, sunga Lhagao theng a kon a hung kijil; chonsetna him him neilou; Pathen le Mihem kichamna ding in cross ah khetbeh in aumin, athi’n nithum nin kaithou vin aum in, chujouvin van ah akaltou tai. Pathen jetlam ah atouvin eiho dingin ei taopeh jing un, loupi tah le thunei tah a mithi le mihing thutan a ahungkit ding katahsan uve.
4. Mihem hi Pathen in ama lim bang a asem ahin, chonsetna a alhahlut tah jeh in lhagao le tahsa a thina a Pathen toh kikhen ahitan chule hiche chonset na-a chu mijouse chonsea tonsot thina chang’a ahitai ti katahsan uve.
5. Mihem te sochatna le huhingna ding a chonset kisih a, Jesu Christa tahsan vang a lhagao lam a penthah na chu tonsot hinna ahi. Hiche tonsot hinna hi Pathen in manbei a Jesu Christa tahsan vang a eipeh u ahi ti katahsan uve.
6. Lhagao Theng hi Penthah bulpi le lhamonsah pa, mi suthengpa, atahsan ho lungsunga cheng a puihoi Lhagao Theng Pathen ahi ti katahsan uve.
7. Baptisma hi twi’a phum ahin, hiche hin ‘Christa thina, akivuina chule athokitna hi katahsan e’ ti avetsah e. Chule Pakai Anjon (Holy Communion) hin Christa tahsa le thisan avetsah in, ‘’Pakai Jesu’n ahinna eipeu ve’’ ti het jing na ding a Tahsan Chate’n changlhah le lengpi twi a ibol jiu ahi. Pakai Jesu hung kit kah sea Ama geldoh jing na ding a boljing ding thupeh chu ahi ti katahsan uve.
8. Pakai Jesu Christa in vantham jol a tahsan chate - amithengte - ahung pui ding, hiche hi “Rapture” tia tahsan chaten ikinep nau chu ahi ti katahsan uve.
9. Thupi Tan Ni leh “Hinna Lekhabu” kiphong in tin, michonpha hihen, michonse hijongle tahsa-a thoukit ding, mijouse akhup in dil sun tin, kam leh lei in achon chan cheh aphon doh ding u, michonpha chu Christa tahsan vanga them changa tonsot a Christa toh cheng ding, michonse vang chu Christa atahsan loujeh a themmo changa tonsot damun – meikou tantih neilou mun - a dia kisep lut ding ahi ti katahsan uve.