KUKI WORSHIP SERVICE GUWAHATI - KHANGLAITE
KWS (G) Khanglai kiphudoh leh kivaipoh na lhangpi:
Pakai kum 2006 in Khangthah lunggel thei mi phabep in lunggel seikhom na anei un ahi. Hichea ana seikhom lolhing tah, tuchan a kichepi jing khat chu houbung khantouna ding hi khangthahte chung a akingap dan asei khom un ahi. Hiche toh lhon chun atumbeh a khangthah te kiloikhom na anasem doh un Dt.12 March 2006 in KWS(G) khanglai phudoh ana hitai. Thupi chepi ding a anakideilhen “Let your Light so shine...” Matt. 5:16 hi tuchan a chepi ahijing e.
Hiche kum a pat chun khanglai ten kumseh leh lamkai thah lhen na ana kinei jin ahi. Lamkai thah kilhen na banah hiche kum a chepi ding tohgon sem na jong akinei jin ahi. Lamkaiho bou ngense lou in lunggel lahkhom thei na dingin General Body Meeting ana kikou jin kumlhung a kimanchah nading tohgonho sei khom na le thulhuh na akineijin ahi.
Khanglai tia ahung kivai hom apat in houbung lang amachal jengseh hilou in chapang Sunday school jong Khanglaiten mopoh na anakila in phatechan tu chan in che pi ahijinge. Sunday School a kai ding in kum 15 a pat nuilam se kaicheh din phatsah anahi e. Music project jong ana kinei jing in hiche toh lhon chun Keyboard jong lamdoh in ana um in ahi. Chuleh music training (solfa) jong ana kinei in mitamtah in aphatchom pi lheh in ahi.
Pakai kum 2007 a thulhuh na anakinei bang in Chate nikho manpat anahi in tuchan in chepi jing ahitai. Bible quiz jong akum akum a kiphatsah dung jui in anakinei ji in ahi. Gl. Paocha Chongloi Pathen lenggam natong dinga ana kipeh doh toh lhon in Khanglai Chairman hina jong anala in Careforce a dia apot August 2009 chan in Khanglai Chairman in anapang jing in ahi.
Khanglai kikhop atumbeh a um ding deisah ahitoh lhon in Saturday seh in kikhopna ana kibol in hinla hahsat na aum jeh in hiche kikhop na hi suh jom anahijou tapon ahi. Pakai kum 2008 hi KWS(G) kum 10 lhinna ahitoh lhon in KWS(G) Choir jong semdoh anahi in ahi. Kum 10 lhinna Pathen phatthei boh na ho phondoh toh kop in thupi tah in anakimang in khanglai ten jong nasatah in pan anakilan ahi.
Khanglai nikho hi man jing ding in phatsah na anakinei in hichetoh lhon chun 2nd Saturday of September deilhen anahi e. Pakai kum 2009 chun Music fest neiding phatsah na anakinei in, ahin nikho chom a mang chom lou in Music fest le Khanglai nikho thupi tah in anakimang khom in ahi.
Pakai kum 2010 sung a kiman chah na lhangpi
Pakai kum 2010 in jong Pathen lungset jalin tohgon kumbul a kigong ho bang in atamjo chai ahitai. Anoia ho hi tukum a tohgon dia kigong ho ahi:
1) Seminar on Motivation & Discipleship: Pathen lungset jalin tohgon masapen chu April 15, 2010 nin thupitah in manchai anahitai. Hichenia Resource person a eipan peh u Pastor Gibson Marak le aloihon Pathenthu le tahsa lam a kikhoukhah ding dan eihil un ahi. Session ni in akihom khen in hiche nia kikhom chu member 45 vel ahi.
2)Dantheng a kichengho thilpeh: Kumbul kilol na dung jui in danthenga kichen na ananei Hatnu Khongsai leh David Lhungdim chu Bible ana kipen ahi.
3) Shillong Visit: Khanglai ten kumbul kilol na a anakisei khom in Shillong visit dingin pha anakisan ahi. Tohgon len ahijeh in Houbung a pohlut ahi in houbung in phatsah na aneitoh lhon in houbung tohgon joh a lahlut ahitai. September 5, 2010 ni jingkah matah in KWS(Shillong) leh KWS(Happy valley) group ni in akihom khen in vilna agakinei in ahi.
4)Album Project: Houbung in khanglai te kilol na anapom peh dung jui in Gospel Album project chu chepi ahijing in ahi. Hiche project amachal thei na ding le kitup tah a kipui hoi thei nadin Committee ana kisem in ahi. 1. Ml. Gary N. Munluo, 2. Gl. Satminthang Khongsai, 3. Ng. Chinneineng Haokip amaho chenghin hiche album project chunga eihin mopoh peh diuva anakilhengdoh ahi. Fund alhahsam ding jeh in fund drive na ding in An Evening with KWS(G) Choir tin nisim September 19, 2010 ana kigong in lolhing tah in chai ana hitai. Hiche ni chu fund drive na keoseh hilou in kum dang a Khanglai Nikho tia September 2nd Saturday anakimang chu achom a mang talou in hiche nikho chun ana kinit tha tai.
Tukum Pathen lungset na ichan jalun Gl. Martin Zairem Hengna, Khanglai Secretary a eipan peh sung un Pakai lenggam a natoh nomna lunggut anei jeh in ana kalsong tan ama khel ding in houbung mipi leh Pathen deisah in Gl. Lalboi Mate ana kilheng doh in ahi. Pastor Rev. M. Haokhothong in Pathen henga taopeh na leh lhandoh na ana nei in ahi. Gl. Martin Zairem Hengna kalson na chungah khanglaiten kipapi na in Rs.500/- in ana kipanpi in ahi.
Khanglai ahung kiphudoh a pat a lamkai a eina panpeh hou anoi a bang hi ahi:
| 2006: | |
| Chairman | Evan Thanglal Haokip |
| Secretary | Gl. Hemkholen Haokip |
| Finance cum Treasurer | Ng. Rebecca Changsan |
| Music Secretary | Gl. Thangminlen Munluo |
| Sunday School Supdt. | Gl. Zamminthang Baite |
| Member |
Ng.Dr. Nenem Lhangum, Ng. Zampui, Ng.Lhingneikim |
| 2007: | |
| Chairman | Evan. Thanglal Haokip |
| Secretary | Gl. Thangminlen munluo |
| Fin. cum Treasurer | Ng. Kimchin Lhangum |
| Sunday school. Supdt. | Gl. Paocha Chongloi |
| Member | Ng. Rebecca Changsan, Ng. Lhingboi singson, Gl. Hengoumang Lhoujiem |
| 2008: | |
| Chairman | Gl. Paocha Chongloi |
| Secretary | Gl. Hemminlun Haokip |
| Treasurer | Ng. Kimchin Lhangum |
| Member | Ng. Kimboi Haokip, Ng. Kimneilam Changsan, Ng. Lalam Thangeo, Gl.Thomas Haokip, Gl.Seiminlal Changsan |
| 2009: | |
| *Chairman | Gl. Paocha Chongloi, Gl.Manga Haokip (from August) |
| Secretary | Gl. Martin zairem Hengna |
| Finance Secretary | Ng. Kimchin Lhangum |
| Active Members | Gl. Manga Haokip, Gl. Kakai Haokip, Gl. Thomas Haokip, Ng. Chiching Guite, Ng. Kimneilam Changsan, Ng. Kimboi Haokip |
| *Gl. Paocha Chongloi Careforce a dia UK a avaikon doh jeh a Gl.Manga Haokip ama khel dia ana kilheng doh ahi. | |
| 2010: | |
| Chairman | Gl. Khailenlal Benjamin Lhungdim |
| **Secretary | Gl. Martin Zairem Hengna, Gl. Lalboi Mate (from August) |
| Treasurer | Ng. Rebecca Changsan |
| Sunday School Supdt. | Pu Gary N. Munluo |
| Sunday School jilkungho | Gl. Lalboi Mate, Gl. Kakai Gamlhou, Ng. Chongte Singson, Ng. Piengmawi Changsan |
|
** Gl. Martin Zairem Hengna Bible sim ding a anakal sondoh tahjeh in ama khel ding in Gl. Lalboi Mate lhendoh ahitai. |
|
Pathen in asim jouse phatthei boh cheh tahen
Sd/- Sd/- Sd/-
Gl. KHAILENLAL BENJAMIN LHUNGDIM Gl. LALBOI MATE Ng. REBECCA CHANGSAN
(CHAIRMAN) (SECRETARY) (TREASURER)
Dated: Guwahati
September 22, 2010
2019-20
Chairman: Gl. Thanggoumang Singson
Secretary: Pa Satmin Haokip
Treasurer: Ng. Alice Lhainei Haokip.
Youth Bible Study lamkai
- SIXMILE/JAYANAGAR : MIMIN & LHINGBOI
- MILANPUR/CHANDMARI : PAOSEI & LHILHING
- DOWNTOWN/DISPUR : THANGLHUN & CHONGHOI
- GANDHI BASTI/GHY CLUB : MICHAEL & HATSY
- BELTOLA/HATIGAON : SANGPU & MENGSY
- SATGAON/NARANGI : MOMON & JOYCY
