Sermon

 

Topic: MANLU TAH HINKHO (Life worth living)

Speaker: Rev. Dr. JM Pau

Text: Philippians 1: 19-26

Date: 15th March 2020

 

Introduction:

Hinkho kiti hi amangthem ho dinga mantam tah ahin, amangthem louho dinga vang manloutah asohdoh theiyin ahi. America a mihaosa leh mibolthei tah mi 2 ana veu hite:

Mihaosa tah Jeffrey Epstein hi Jews mi America a cheng, Maths teacher mai maiya kon Billionaire hung kai ahi. Manhattan, NY a building nei, personal flight leh ama changval a Island nei ahin, hinlah sex trafficking toh kimat in numei 1000 hinkho ana suhset jeh in songkul ana tangin, achainan songkul sunga ama leh ama akithat tan ahi.

Harvey Weinstien kitipa jong hi American film producer minthangtah, entertainment company Miramax neipa ahin,  Hollywood a actor/actress thanom tamtah ama jal’a lut umah ahi.  Ama film “Shakepeare in love” jong Academy Award winner anahin, hinlah #MeToo movement ahung kithan apat in numei 80 vel in achungah case ana bulkhum uvin, hijou chun songkul a ana umin, tunaicha jong chun kum 23 jen songkul a umbe dinga thutan khum ana hitan ahi.

Hiche teni hinkho hi ivet leh haosatna leh minthanna hinkho chu imacha louhel a kichai jeng ahi mudoh theiyin aumin ahi. Hinlah Solchah Paul hinkho akon jildoh thei thil thum iseidoh nom hou chu:

 

OUTLINES:

I. PATHEN THANGVAH JING HINKHO:

a) Songkul sunga aumpet geiyin jong Pathen athangvah jinge (Vs.19):  Paul hin ahinkhoa thilhung jouse hi Pathen phatsah a lhung ahi chu ahen, songkul sung geiya jong Pathen koma lungnop mona thu seilouvin, kipa thanop jing ding thu asei jingin, Phillipi lekhabu a 21 vei kipa ding thu aseiyin ahi.

b) Pathen a kinepna anei jingin ahi(Vs.20):

Phillipi lekhabu asut pet a hi leinoi songkul a hahsa tah a um ahin, hijong leh Rome khopi chedinga kinepna anei jing nahlai ahi. Hymnal minthang tah “ It is well with my soul” sunpa ukil minthang Horatio Sperfford jong hi achapa 1 leh achanu 4  in adalhah geiya jong “It is well” tia la asut jeng thei hi II Kings 4:23 a Shunem khoa nupi khat achapa thi jouva Elisha koma “Aphanai (it is well)” ati jeng thei akon alahdoh ahi akiti.

c). Aumna jouse chu gospel thu seinan amang jinge (V.12-13): Roman sepai special force Praetorian guard hon songkul sunga Paul hi nasa tah a aven’u ahin, ama guard a pangho koma jong Pathen thu aseipeh ji ahi. Aman Caesar gei jong angailutna thu ana seipeh din a guard ho ana vailhah in ahi.

II. TOHGA SO JING HINKHO:

a). Paul hi Pathen a dinga hin nom jing ahi (Vs. 21): Mihem jouse hi nikhat thitei dinga kigong ngen ihiuvin, hinlah Pathen a ding bouva hinding ti hi akitam pon ahi.Hinkho sottah hinding jong eima phatchomna ding bouva gel akitam in ahi. Hinkho inei nahlai hi midang phatchomna dinga imanthei leh aphachom kihi ding ahi.

b) Paul chun tohga soding agel jingin ahi. (Vs.22): Paul chun kahin hi Christa a ding ahin, kathi chu keiya dinga phatchomna ahi ati.  Luke 13:6 a kimu bangin ga sodoh lou thingphung chu nikhat leh kiphuh tei ding ahi. Eiho jong Pathen peh talent chom chom a ga sodoh teiding ihiuve.

 

C) Pathen henga kipelut jing hinkho (Vs.22b): Paul hinkho hi aphat tin a Pathen henga kipelut jing ahi.

 

III. PATHEN LENGAM A DINGA NATONG JING HINKHO:

a)Christa toh hinkhom jing chu adeipen ahi (Vs.23)

b) Tahsaphea ahin hi Phillipi mite dinga phachom ahi (Vs.24):

c)Amaho dinga atompanna chu machalna leh kipana alhut ding ahi(Vs.25)

d)Paul hinkho leh a Pathen natohna chun kipana bulhingset alhut ding ahi (Vs.26)

 

CONCLUSION:

Hinkhoa kipana leh lungkhamna hi atamjon eima kigel dan dan (attitude) in apon ahi. Chuleh hinkho chom leh sao hin apo pon, idamlai sunga Christa a dinga hing ihi leh hinkho manlu tah mangthem chu ihi diu ahi. Cha leh nao te dinga hing ihiu chu ahinai, ahinlah abidoi pen chu Pathen a dinga hin chu ahi.

Sermon text compiled by P. Khongsai

 

KWSG Missionary Day 2020

“Gunchu tah a Pakai na toh phat”  ~ Rev Thensem Singson

Sermon Text John 9:1-11, “Jesu ache naa mi apen’a pat mitcho khat amui. Aseijuiten ajah a, “Rabbi, hichepa mitchoa apen hi ama chonset jeh ha anu le apa chonset jeh ham?” tin adongui. Jesun adonbut’in, “Hiche hi ama chonset vang jong ahipon; Pathen natoh ho kiphondoh theina dinga ama hi mitchoa peng ahibouve.  Sun ahipet’a Eihinsolpa na i-toh tei diu hiveh ta, koiman na atoh thei louna ding jan hung lhung ding hita hi. Vannoiya kaum laisea vannoi salvah kahi,” ati. Jesun hiche hi aseiyin, tol’ah achil aset lhan, achil’in bonlhoh asemin, mitchopa mit te nia aloiyin  ajah a, “Chen lang Siloam (Siloam hi ‘sol’ kiti ahi) twikul’a gakiphet lhah tan,” ati. Ama achea agakiphet lhah leh kho amun ahung kile kittai. Mitchopa heng le kom ho, khutdoa apan lai musa hon, “Touva khutdoji chu ama hi hilou haimo?” atiuve. Abangin, “Ama ahinai,” atiuvin, kim khat’in, “Ahipoi, amato lim kilo ahibouve,” atiuve. Mitchopa ama tah-in, “Kei ama chu kahinai,” ati.  Amahon ajah a, “I-atileh namit te ni hah hitam?” atiuve. Aman adonbut’in, “Jesu kitipa khun bonlhoh asemin, kamit te nia aloiya, ‘Siloam a chen gakiphet lhah tan,’ atia, kachea kagaphet lhah leh kho kamu ahitai,” ati.

Nick Vujicic kitipa hi Australia mi ahin in apen a pat akhut-akeng umlou ahi. Apen a chun apan ana dei mang tapon ahi. Chapang kichem thei ahunghi phat in, aloiho kichep avetji teng athangse jin, amalah mitoh abang pon, hijeh chun lunglha tah in hinkho ana mang in ahi. Hitia lunglha tah a hinkho aman jing lai hin khatvei ama-le-ama kithanom na lungthim ahin nei tan hijeh chun akisilnaji achun alhalut tan, ahinlah ana thideh tapon ahi. Hiti chun phat ahung che-chen kum 15 ahin phah phat in tunia isimdoh uh Pathen thu John 9 hi ahinsim tan, hiche a kon chun Pathen milungset naleh mihepina ahin hedoh tan ahi. Jesu’n mitchopa chung’a Pathen loupina aphondoh nom bang’a kei khut-le-keng neilou chung’a jong Aloupina aphondoh thei ahi, tin lungmonna ahin nei tan ahi. Tun Nick hin gam tampi (44+) mun’a Pathen thu aseiyin, ama hinkho akon in mi tamtah in Pathen ngailut naleh hepina mudohna in anei thei e. Chuleh 2005 kum’in “Life without limbs Ministries” ana pandoh in ahi.

v4- “Sun ahipet’a Eihinsolpa na i-toh tei diu hiveh ta, koiman na atoh thei louna ding jan hung lhung ding hita hi”. Hiche chang ahin sun le jan akiminphah in ahi. Jesu in hiche thu asei ahi Rome sepoy hon amat uva Cross a athi ding nailam hi tan tin,  hijeh chun aseijui te kom’a vailhahna tabong’a asei hiding ahi. Sun iti teng opportunities umpet tina ahi, jan iti teng le vang toh theilouna phat vetsah na a thinung tia lah thei ahi.

Gunchu tah a na itoh thei nadiuvin thil thum angaiye- Gelkhoh, Kihambol chule Bidoi kicheh nei.

1.Gelkhoh: Gunchu tah a Pakai na itoh thei nadiuvin Gelkhoh angaiye. John 4:35, “Nang hon, ‘Chang atna ding lha li aum nalaiye,’ natiji hih-um? Ven najah-uva kasei ahi, khodah-un loujao dung veuvin, agusoh-in aminin a-at phat ahitai. Hiche bible chang hi Jesu amatah aw cheng ahi. Jesu ipi asei em? Khodah uvin, vet mai-mai phat ahi tapoi, khoda a phatecha vetchil a gelkhoh phat ahi tai. Galilee le hakim vel’a Jesu’n Pathen na ahin toh akichailam ahitoh lhon’in aseijui ho kom’a tun nangho kipan tauvin, mipiho lungthim Pathen thu ngainom na anei tauve tia aseipeh nom hinte. New York Times Thuso khat April 7, 1964 in hitin Billy Graham thusei khat ana kiso in ahi. Japan ten America te kong ngahmun abulu jou uvin, gaal ana um tan. Japan ten gal analal tauvin, surrender ana bol tauvin ahi. Gal a kon in amaho ana hou a-pathen uh Bhuda chun ana huhdoh joulou phat uh chun, Pathen dihtah hetnom na lungthim ana neitauvin ahi. Hiche pet a Japan Emperor Hirohito chun America Army General Douglas MacArthur kom’a tutu hin Missionary mi sangsom eihinsolpeh uvin chutileh Japan gamhi Christian gam hijeng ding ahi tin thu ana thot tai. Ahinlah General pan hichu hithei ponte, gam khat chu amite ho noplouva iti Christian gam hithei jeng ding ham ana ti tan ahi. Chujeh chun Japan ten, tukal hitobang’a gal aumkit teng iti kivenbit ding ham tin lungel-ngaito a alungthimm uh technology lam’a apeuvin, khonung sang’a Missionary mi tampi Japan gam’a alut vang’in Japan te lungthim le lhohbuh a Pathen thu alut thei beh tapon ahi. Army general pa khonung sang’a ijat a akisih vang’in aphachom tapon ahi. Hijeh chun aphatcha a gelkhona nei angaiye. Tulaiyin khosung sang’in khopi sung’a imi-isa atam cheh-cheh tan ahi. Guwahati city sung jeng a jong vil ding, taopeh ding mi tamtah aum tan, amaho hi gelkhohna phat hitalou ham? Hijeh chun assembly a jong amaho kom’a kimangcha ding City Pastor ngaichat ahi dan isei tauvin, boldoh tei din phatsah anahi tai. Hiche tohmolso na ding’a nang le keiyin igelkhohlou leh koiham agelkhoh ding. Hijeh chun phat kilem hi lhaso poute.

2.Kihambol: Gelkhoh inlang cheda le chun phachom dehlou ahi. Hijeh a chu kihambol angai tan ahi. 1 Cor.9:27, “Midang henga thu kiseiphonglea ajo le keima lah louva ka-um louna dia katahsa hi kachup chup'a thua kanunsah ahi.” Solchah Paul jong athuseiho boldoh tei ding’a akihambol ji dan mudoh thei ahi. Mat 5:41, “Koi hile nada nacham louva mile khat napuigoa chu mile ni geiyin kilhonpin”. Rome sepoy te chun Juda mite chu anop-nop a abol uva, ada achamlouva pot/pohgih apohsah jiu ahi. Jesun amaho jah a mi-in mile khat atileh, mile ni geiyin chepi’n ati joh nahlai ahi. 1 Cor. 15:58, “Hichejeh chun kasopi deitahte, dettah-in suhlong hoi hilouvin pangun, Pakai hinkhoa natoh jouseu chu pannabei ahilou nahetjeh-uvin, phat jousen Pakai kinbol nan thalhing jing jenguvin”. Thilpha gunchu tah a, kihambol tah a itoh hou hi Pakaiya ding ahi suhmil pou hite.  Prov. 3:3-4, “Gunchuna le kitahna lhaso dan, khivui on ki-on, nalunggil'a lekha kijih bangin jih lut'in. Chutibol le chun Pathen le mihem nalung lhaisah ding ahi”.  Doctor, nurse hon jong ngailutna neilouva mi ajen teng uleh thoh hah deh ahi. Ngailutna beihel a ikihoulim jongle nomlou ahi. Min eivetda jongle ngailutna neitah a ibol phat le alungkot kihong ji ahi. Numei kihambol ho insung phatdan Prov 31:26-27, Chingthei tah le lung nemin apaodoh-in mi ahil'e. Ong manlou kiseimo jingin aumin, a-insung mite ngaichat ding thil ho avetup dim dem'e”. 

Dr Smith, Dentist pa hi khatvei houin kaina a Missionary chopna ding in mi ahintil tauvin ahi leh aman la in akile na khambeh bou sum asakhaovin akiko in. Sum don na ding’a la asah jing lai uhin, alung aboui lheh jeng tan ahi. Achaina in, Pathen lenggam le achonphatna holmasa le chun kiti Bible chang Matt. 6:33 ahin geldoh phat in abhara ding chu atoh tan, inn keng in kiche tante tin aum tai. Ahinla houin kikhen in mipa khat in Smith hung in Coffee gadon hite tin ahin tem tan ahi. Aman la sum aneilou akihet in, min atep ahi jeh chun akilhonpi tan ahi. Coffee adon lhon in, anehdoh lhon chu houin a asumto doh sang’in atamjo tan ahi. Coffee adon chai lhon phat in mipa chun hoilai ham na-in tin adong’in, Smith in jong aseipeh tan ahileh, hichepa chun hiche veng lang a chu kin kaneiyin cheding kigo kahi, ka gari a hung tou vin nathahpa tang’e atin, a-in chan hiche pa chun apui tan ahi. In alhun in Smith in hichepa chu Pathen hinsol ahi atin, dilsun Pakai athangvah tai. Smith hi doctor ahi masang’a migenthei tah anahi ahi. Kihambol tah a Missionary ho ding’a pan alah jeh chun phatheiboh achang in ahi. Eiho jong Mission natohna a kihambol phat ahi tai. Mi bol man a bol, mi peh man a peh tiho hi bolphat ahi tapoi. Amavang, gunchu tah a Pakaiya ding’a ipan vang uleh athon hilou ding ahi, Pathen thu in kichen tah in eisei peh uve, nakihambol nom hinam?

3.Focus/Bidoi kicheh nei ding: Paul in hitin ana seiye, “Golseh bol jousen ijakaiya atibah chengseu atimhat jiuvin, hiche ho hin kem mangthei lallukhuh san na dia abol'u ahin, eihoa vang kem thei lou ahi. Hitia chu lhaiya kahin, abidoi kicheh neilou kahipon, onghom lai khuttum'a sua jonji kahipoi.  (1Co 9:25-26). Lhaitet a jao hon bidoi kicheh anei uvin ahi. Amaho prize vang kemmang thei lallukhuh bou ahi.  Paul in  2Co 5:10 hitin asei kit e, “Ijeh-inem itile mitinin tahsaa athilbol pha le se tohman akisan chehna dinguva ibonchauva Christa thutanna masanga ikilah cheh diu ahinalaiye”. Sun-idam sung uh hin tibukim keoya epensah pa na katoh ding ahi, iti nom nah uvem? Mitinin tahsaa athilbol pha le se tohman akisan cheh ding ahi sumil poute.Jesun kagil akel laiyin neh ding neipen, kadang achah laiyin don ding neipe ati ding iti thanop aum tadem!  Col 3:23, “Ipi hile nabol chan'u chu mihemte dia hilouvin Pakai dinga bol bangin lungthim pumpin bol'uvin”. Karbi Anglong lang’a Prayer warrior fellowship kiti khat min a nampi a ding’in taokhomna kana mang ji uvin. Hiche a kaloi ho khat in, eihon taona iman-man vang uvin hiche nam lamkaipa khu ju akham jing’in khohe phalouvin aum jing’in, kapona lheh e atin ahi. Mihem a ivet teng le lunglhah na thei tamtah um ding ahi, hijehchun mihem a velou vin, Pakai ding’a bol ihi teng ilungthim eitil khou diu ahi. Nikhat le Pakai ang’a din teng tohman phatah ikisan diu hiche Bidoi chu itup cheh diu iki tem’un ahi. 1 Cor. 10:31, “Hichea hin neuvin don jong leu chun nabol jouseu Pathen loupina din bol'uvin”.  Nehkhom, donkhom jong aphan ahi ahi vang’a ibol jouseu Pathen loupina ding’a bol ding hi itup diu angaiye.

Lhagao mang dingho gelkhoh phat ahi tai. Houin kai ding khohsah lou ho jong gelkhoh uh hite. Chuleh sumto lam hihen Pathen thu seina hijongle ikihambol uva Bidoi kicheh inei phat uh ahi tai. Pathen na itohna sung uva lallukhuh san ding nga aum’in ahi. Hiche ho leh koi hon asan diu ham veu hite-

  1. Kem theilou lallukhuh (1 Cor.9:25) –Galjona, mi kitim them
  2. Kipana lallukhuh (1 Thess. 2:19, Ph.4:1) – Lhagao mang thai huhdoh ho.
  3. Them channa/Chonphatna lallukhuh (2 Tim 4:8)- Pathen deiya hinkho theng mangho
  4. Loupina lallukhuh (1 Pet.5:4)- Pathen lhacha a pangho, kipah tah a Pathen natongho
  5. Hinna lallukhuh (James 1:12, Rev 2:10) –Christa ding’a thohgimna changho.
  • Huhhingna vang tahsan vang’a manbei a eikipe uh ahi, amavang kipaman lallukhuh vang lodoh ngai ahi. Thilsem dangho vang athi teng akichai ji tan ahi, ahinlah Pathen in ama lim leh mel’a asem mihem te vang thijou hinkho jong aumna laiye. Hijeh chun tonsot hinkho iman na diuva iti ikigot diu ham, gel akul’e.

Kumlhun audit report chu ingai leh Mission Department ahatpen dingho chu deficit in ache tan, hijeh chun nang le keiyin pan ilah phat ahi tan ahi.

(Rev Thensem Singson hi Satribari Christian Hospital a Chaplain na atoh ahi na ban’ah KWSG MB in March 2018 akon a Solo Ministry atoh khom ahi.)

Nasung'a um lhagao hi ajatni in neihop'in
Rev Akhai Touthang, KWSG Pastor

Lhamul 14, 2019 KWSG Youth Sunday

Sermon text 2 Kings:1ff

Tulai atamjon Christian hinkho iman uhi eima chang phatchoumna ngaichat jeh a Pathen hol itam tauve. Dammo na a kon a dam ding ngaicha, i Pathen hou uhi bouina sulham ding bep bouva ihou khah diu tijat aum'e.

Elijah in thilkidang 14 anabol e, ahinlah anung jui Elisha in 28 jen ana bol e.

Pakaiyin Elijah alah touna ding phat ahung Ihun ahet phat in, Elijah in Elisha chu Gilgal a lhon pi tan ahi. Lampia Elijah in Elisha koma, "Hikoma umtan, Pakaiyin kei Bethel geiya che din eisol'e," ati tai. Ahinla Elishan, "Hing jing Pakai le nang koma kakitahna pan a kihahsel kahi, nadalha ponge," atin, Bethel geiyin ache lhontai.

Gilgal- hiche mun dalhah hin tahsa ngaichatna leh nopsahna ho jousea kon kikangse ding angai khohdan avetsah e.

Bethel- House of God.

Bethel a Elijah-in Elisha jah a, "Hikoma umtan, Pakaiyin kei Jericho geiya che din eisol'e," ati kit tai. Ahivangin Elishan asei ngai² aseiyin Jericho geiyin ache kit lhontai.

Chujouvin Elijah-in Elisha henga, "Nang hikoma umtan, kei hi Jordan lui galkai din Pakaiyin eisol'e," ati kit in ahileh Elisha jong asei ngai aseiyin akilhonpi paiyin ahi.

Jordan lui ahin phah lhon in Elijah-in aponsil ajel'in luidung twi ajep le twipi akikhenin, tolgoa chun Elisha agalkai thei lhon tai. (Hiche hin Jesu thokitna thaneina avetsah ahi akiti.) Chukoma chun Elijah-in Elisha henga, "Pathenin eilah mang kah a ipi neibolsah nom ham seiyin," ati. Elishan, "Nang khel'a kapan theina din nasung'a um lhagao hi ajatni in neihop'in," tin athum tai. Elijah-in, "Phalpeh hahsa thil nathum'e, hijongle Pathenin eilah toupet namule chang theiyin natin, neimu lou vangle chang theipon nate," atipeh tan ahi.

Pathen natong kaloi khat in eimite hin Gen.12 ijolal keo jeh uva Christian hinkho imachal theilou uh ahi atijin, adihna aum mong'e. Pathen in Abraham akou chun adalhah ding tampi aseipeh e. Abraham inkote chu lim semthu hou hiu ahi, hijeh a chu Pathen in dalhan ati ahi.

Elisha hi loubol mi ahin, bongchal to 12 aneiye. Elijah nung ajui ding phat in loukhoina langkon hochun bong athat un, akihon un, chujouvin aloubol dalhan apupa nung ajui tai.

Samaria numei nu jong chun Jesu toh akihou chai jou chun atui thalna bel ada khan khopi sung'a thil umchan agasei phong'e.

Elishan apupa bol theina Chan ni athum khoh hi Juda te chondan a chu chapa tahpen chu gou kihop teng leh chan ni apeh jiu ahi (Deu.21:17)

Pathen in Elijah alah tou phat in Elisha in amukit tapon, hijehchun a lung na behseh in Elishan aponsil abot keh-in, Elijah lhahsah achunga hung chu ponsil kilah-in Jordan luipanga agading in ponsil chun twipi ajep'in, "Pakai Elijah Pathen hoilam nahim?" ati. Hichun twipi ajep kit le akikhenin, gal lang khat agalkaitai.

Tulaiya jong dammo, veiset, hahsat na etc.. jouse Jesu thahat naleh thilbol theina suong'a galjona inei diu tahsan a taona toh thoa panlah ding angaiye.

Christian ten lhagaoga isothei nadiuva Jordan vadung galkai angai in, hiachun phattheina aumin, amavang Gilgal a umden louva kalsonpeh ding angaijin hichun phattheina ale a tam tahsa leh lhagaova eipeh teidiu ahi ti mutheijin aum in, Gilgal a hi dalhah theilou, nungsun joulou, Christian hinkho sunohphah ijat a tam hitam?

Triumphant entry

April, 14, 2019: KWSG Palm Sunday 2019

Message by Rev Dr JM Pau

Triumphant entry kitichu Pakai Jesu kineosah tah a Jerusalem ahunglut nikho ahi alangkhat in Jerusalem loupe tah a alut nikho jong akiti. Pakai Jesu hi Jerusalem chejing Anahi tan, ahinlah hiche nikho chun aleng hinapa min ahetna ding’a hung mong ahi. Ipi ding’a leng ahina chu claimed abol hintem? Tiho aseikhom diu ahi.
Amasapen in sangannou thu themkhat seiyute. Pakai Jesun sangannou manchah nading’in lungel aneiye ti seiyute. Mihem hi ipen joukal, thikak a bun eh a moh hin ding mai-mai hilou ahi. Eihin pensah pa lungel dan hi ngaito kul ahi, ipen na ding mun, ipen na ding aphat chuleh angaikhoh jouse angaito soh kei ahi ti Pathen lekhabu theng’in aseiyin ahi. Tunia Jesun sangannou amanchah pen hi Jesrusalem kom Beth-pha-ge kho kom’a peng hiteiyin te, aneipa hin Jesun nikho khat leh ahin manchah dinglam jong hephapon te, ahinlah Jesun sangannou asang sang umho lah a hiche pen pen chu ana manchah ahi.  Hiche Sangan chu Pakai Jesu manchah ding mong’a ana peng ahi ti Zecharia 9:9 achun akichen in ahi, “Vo Zion chate, hachangpan kipah-un! Kipah-in khosam'un, Jerusalem mite! Ven, nalengpau ahunge! Galjo minthangin ahungin; Nun nemtah-in sa-ngan chunga touvin, Sa-ngan nou 'lagol chunga touvin ahunge!. Tunin eiho hinkho jonghi moh pen’a, moh thi ding hilou ahi, Pathen in ipen ding phat jong agel toh chet ahi. Leng David in hitin ana seiye, “Pakaiyin kahinkho hi ichan gei akoi ding ahesoh keiye”. Hijeh chun ilungel uva umjing ding’a deisah chu, “nang jong Pathen in nahei”. Nang’in hehih jongleh chun Ama in nahet ahi. Akahlah leh Pathen in eidonlou hitam tin ikilhaset jiuve. Sopi Vaiphei upa khat achanu aha dammo lheh jeng’in, jan khangkim lang’in anatna ahalal cheh2 phat in, hitin anataovin, “Pakai vaiphei pao hi nahetlou ngap hitam tin” kilhaset tah in ana taove. Mihem akihi jeh in phat khat leh upapu lungel chu kineidalou ahi. Ahinlah paosempa Pathen chun alim amel’a eisem uh ahi jeh in ihinkho diu jong agel’e ti imil chih diu diu aum’e. Geldoh thei chu eiho hi bong leh loi a jong Pathen in eipen sah theiyuh ahi, ahinlah Ama melpu a manlu tah eisem uh ahi hi ajeh um ahi. Tuphat a Guwahati khopia naum thei jonghi Pathen thil gon ahi. Tukhang’a napen uhi vangpha nakisahlou uham? Kumjakhat masang’a jong ana pen thei ihiu ahi. Pendol’a keiho hi khangthah leh khanglui kikah a um kahi jeh un, thil umdan jopmat a kapan uh ahi. Telephone jeng jong BA kachaiya, BD sim ding’a Bangalore kaum chun khatvei kibol mong2 hen katin, PCO a call kana man ahi.  TV jong hi 1982 Asian Games a chu kana musat bepseo anahi, tun vang intin’a ikikoi cheh tauivin ahi. Pathen in napen na ding phat, napen na ding mun, nakhosah na ding, nakhankho ding ageltoh soh kei ahi.

Sanganou hin Palm sunday nikho chun vonthah ana neiye. Nikho dang in kivonna ding’in ponsil gathum leh mol anehlo ding ahi. Ahinlah achung’a toupa jeh chun neltah tah in ana kivon theiyin ahi. Isaiah chun kei dihna pon neisil sah e ana ti, chonset bena neilou ponsil neisil sah e ana tin ahi. Pathen in eisil peh uh pon hi eihon isop theng uva kivon hilouvin, Pathen in eipeh mong mong uh ahi. Palm Sunday nikho hi sagannou va ding’a red carpet day ana hi ahi. Sepia panghon he uvin natin, red carpet hi milen milalho jabolna a kimangcha ji khat chu ahi. Pathen natong ho ding’in vang red carpet hi kimukha behlou ahi, keiho loi hin mol le lhang sang jongleh che ding kahi ti chu ilung’a kikoi jing ahi. Tunin sangan chung’a Jesu atou jeh chun sangan nou chun red carpet day amang thei tan ahi. Eihon jong ichung uva Jesu itousah pou uleh red carpet chung’a lamjot ding ihiu ahi. Kei leh kaloinu jong Gospel jeh in gari thupi tah2 a katou lhon’in, jinlhun in (Hotel) thupitah a kalhung thei lhon’e, mi keini sang’a themjo boltheijo keini chan ho mujoulou dimset ahi. Tunin nang jong Pakai Jesu manchah ding’a naum pou leh (full time ministry a lut ding tina hidehlou ahi), Jesu nachung’a natousah pou leh- nahinkho hi kidang ding ahi. Lekha themhon Palm Sunday kichai jouva sangannou in aloite kom’a athusei ding dan ana jih naova chun hiten ana seiyuve, “mini ahung’in Jesun manna nom kaneiye atilhon’in, kakihenna khao asut lhon’in, kachung’a pon apha jouuvun Jesu kachung’a ahung touvin, hiche a pat chun kachena ding kichen tah in kahen, loupitah in kakitol uve”. Ajing nikho in vang koi man Jesu touna sangannou chu hoilai um hitam tin jong adon tapouve.

Sangannou chu achung’a mi toukhalou ahi. Kanei laiyin Burma apat loi khat kana neiyun, koima achung’a tou thei lou. Mi dang aloi chung’a touva nomtah a la asah a umjiu ahi in, keichun kakai tho ji Anahi. Nikhat kapaneivin hiche loi hi Burma akon ahi man in akiletsah e atin, achung’a tou tei ding agot leh bonlhoh lah a akilehlha matchet e, ken jong loi chung’a chu tou thei tei nading’a kabol jing vang’in akidoi hih beh e, song lah a kaki lehlha jeng jeng’e. ahinlah Palm Sunday nia Jesun amanchah sangannou chu sepia General ham, leng ham khat in ana lah themsa toh bang jeng ahi. Ijeh iham iti leh achung’a toupa jeh ahi. Ihinkho hi Pathen in Ama ding’a asem ahi. Judon ding’a eisem ahi le vang, ipen ding chun juphung sempai jeng nan te. Neh le chah apha jong ase jong tamtah um ahi amavang Pathen in eipensah na pa chu Ama toh kivopna ding’a phapen ahi. Pathen toh kivopna ding’a lungthim neijing angaiye. Sangannou hin seingai tah in Pathen in abol ding’a agonpeh chu anabol chaiyin ahi. Sangannou chun achung’a Jesu atousah jeh chun mi tamtah in Jesu chu ana muthei tan ahi. Pakai nachung’a atou pou2 leh ichan gei ham khat a kihe thei ahi. Hijeh chun pengthah lou kipenthah sah, pengthah hita ahivang’a hinkho amandan deium behlou tiho hi achung’a toupa jeh a kihe thei ahi. Hijeh achu Jesu ilengpa ding’a ikilah ding poimo ahi, Pakai nadeidei nalang’a neisol in iti diu dei aum’e. 
Sangannou chu khaova kikan nalai ahi. Jesun eiman na thei diuva, ihinkho uva sutlhah ding tampi um ahi. Delhi a mikhat in ju chohna ding’in 60 km hijongleh akiche jouvin, houin kaina ding ahi teng 20 km chan jong akiche ngapcha poi ati. Nahinkho soh tabong’a nakan gah chu ipipen ham? Pakaiyin manchah nom na naneiye. Sangannou chu kihil themlou lai ahi chutobangchun Pathen manchah ding’a ikido pou uleh Pathen in manchah theiya ding’a eisem diu ahi.

Luk 19:41-43, “Ahung naijep jep'a khopi amu phat'in Jesun akachamin, "Ohe, nangin tunia hi lung monna thei ngaichat nakihet hitave leh! Tunla namuthei tapoi! Namelmaten nahin umkhuma, galpal nakai khum'uva, akimvel lhung keiya natin chah niu hung lhung ding;…”  Hiche a “tunia” kiti pen hi Robert Anderson in “The coming prince” kiti lekhabu ajihna achun Daniel 9:24-26 akon pansa in 483 years = 173880 days (April 6, 32 AD) tin ana hilchen in ahi.

 

Miphatah a kigel ahi vang’a vangam a kal lou

Rev M Haokhothong, Pastor Emeritus, KWSG

KWSG Nute Quarterly Sunday, 18th March, 2018

Sermon text:

Mt 19:16-22 “Veuvin pasal khat Jesu henga ahungin, “Houhil tonsot hin na kanei theina dia thilpha itobang kabol ngaiyam?” tin adonge.  Jesun, “Itobang thilpha nei doh ham? Apha Khatseh bou aum’e! Tonsot’a nahin nom le Thupeh chengse nit’in,” ati. Aman Jesu jah a, “Hoipen chu am?” ati. Jesun adonbut’in, “tol that hihin, mito jong hih-in, gucha hih-in jouvin hettohsah dan,  nanu napa jabol’in, chule nang naki-ngailut bangin naheng nakom ngailun,” ati. Khangdongpan adonbut’in, “Hichengse chu kahin nit jing nai, ipi kabol lou um nalaiyam?” tin adonge. Jesun ajah-ah, “Chamkimsoh ding nadeileh chen lang nanei jouse gajoh-in, sum chu vaicha gentheite to nan neiyin, chutileh van a gou nanei ding ahi; chujo teng neihin juitan,” ati.  Khangdongpan athusei ajah phat’in, gou haotah ahijeh-in lung himo tah-in ache mangtai.

Mat 19:24 “Kaseipeh kit nahiuve, mihao Pathen Lenggam a lut sangin heobil hom a sa-ngongsao lut ding abaijoi,” ati.

Pakai jesun mi akihoupi teng apolang velouva asung lang avetji hi kidang tah ahi. Tunia thusim isei diu jong hi asung lang adonbut joh ahi. v24 ahi ipi kiseina ahi datmo umtah ahi.

Hichepa hi golhang jinei lou lai hinte, mihao, khangdong, juda holah a lamkai khat ahi. Juda lamkai kiti ho chu hou mi tah ahi. Mark 10:17-22, “Jesu lampia ahung pet'in pasal khat ahenga alhai touvin, a-ang'ah aboh khup'in ajah a, "Houhil pha, tonsot hinna kanei theina dia ipi kabol ding ham?" tin adonge. Jesun ajah a, "Ipi dia apha neiti ham? Pathen tilou koimacha apha aumpoi. 'Tol that hih-in, mitoh jong hih-in, gucha hih-in, jouthun het-tohsah-in pandan, dohan mi bol-dan, nanu napa jabol'in,' kiti thupeh chengse nahet chume," ati.  Mihaopan ajah a, "Houhil, hichengse hi kaneocha pat kahin nit jingsa ahitai," ati. Jesun avechen chet'in ahileh alungset'in, "Bat khat nanei nalaiye, van'a gou naneina din chen lang nagou abonchan gajoh-in, sum chu vaichate hoppeh tan; chutengle hungin neijuiyin,'" ati. Mihaopan achutisei ajah phat'in amai thimkut jengin, gou haotah ahijeh chun lung himo tah-in ache mangtai.”

Aman thudoh anei chu, houhil tonsot hinkemlou kanei thei nadinga itabong thilpha kabol ding ham?. Athodoh hi hoitah a igel leh a fail pan tai. Jesun hitin adonbut e, tonsot a nahin nomleh thupeh ho nit in. Amaho khang laiya thupeh chu Mose thusom chu kitina ahi. Jesun thusom lah a thugup anasei peh e:- Tolthat hih in, mitoh jong hih, gucha hih in, jou sei hih in, nanu-napa jabol in, nang nakingailut bang’in naheng nakom ngailun…Khangdongpan aseiyin hiche hohi kaneo laiya pat kahin nit/jui ahi tai atipeh e.

Jesun adonbut in chamkimsoh ding nadeileh chen lang 

  1. nanei jouse gajoh-in, 
  2. sum chu vaicha gentheite to nan neiyin, 
  3. chutileh van a gou nanei ding ahi; 
  4. chujo teng neihin juitan,” ati.  

Tonsot hinna kanei nading’a thilpha itobang kabol ngaiyem tia adoh thei hi thilpha tohdoh vang’a vangam lut ding tia lungel anei hinte. Hijehchun athudoh hi tahsan thu panglou ahi. Ahinlah, Jesun adonbutna ah apha khatseh bou aum’e, hichu Pathen bou ahi (Rome 3:10,23 "Midih khat'a khatcha jong aumpon,....ajeh chu mihem jouse chonsea Pathen loupina changlel ahitauve...

Jouvin mi ngoh hih in:  Eiho vang ilung han teng jouva mikingoh nom tei ye. 

Nanu napa jabol in: Tulaiyin hiche hi ahahsa e na?…lekha them hon anu-apa thusei angai peh tapoi.

Nanei joh doh tan: Hiche pa hin aheng akom angailut lou hinte…anei agou ho aheng akomho homnom lou, hidin akilang’e.

Hichengse chu kahin nit jingnai ati hi tahsan thei hinam? John 4 Samaria numei leh Jesu kimuto jong chu veleu hen Jesun numeinu lungsung ahetdan mudoh thei ahi.

Billy Graham kidan nakhat chu hitia ana sei chu o “numei kaji tailou toh toukhom a kihoulim lou ding kahi, ana tin” ajui jouve. Franklin Graham chu a ministry avetkolsah in, ka pathen kom a nang katahsan, kangailut dan kaseipeh ding ahi anati.

Niniveh, Assyria khopi, komite hi gilou tah Pathen hephalouva, anop cheh a chon ahiuvin, Pathen in michonse ho anagilut dan chu Nineveh mite lunghei na thei ding’a, Jona ana sol’e. Ahinlah Jona in hiche mite koma kache le eitha tei diu ahi, Pathen in amaho joh that gam tahen atin, ana jam mang’e. Pathen in mihem alungset e ti hetdoh thei ahi.

Khangdongpa hi hougut mitah, michonse ahi tithei ahi. Ahilou leh Pathen mitah vangam lut nomlou ti thei ahi. Hiche tabong thusim hi Bible a aum in isim teng uleh Pathen ngailutna hetdoh a Pathen ichanna ile lungset nah uvem, ikidoh jiuva, ikikhol jiu angaiye. Achaina in hiche la hi ahung kilha sung’in dingkhom utin gelkhom ute,

Jesus what a wonder you are

you are so gentle, so pure and so kind,

you shine like a morning star

Jesus what a wonder you are

Jesus what a wonder you are

you are so gentle, so pure and so kind,

you shine like a morning star

KWS GUWAHATI MISSIONARY DAY 2018

THUPI: “KATHU HETTOHSAH’A NA PAN DIU AHI”

SPEAKER:  REV J. MANG DOUNGEL

MISSION KITI IPI HAM?

A mangthah dingho huhdoh/holdohkiti hi ‘Mission’ tup le doiahi.

Missionary masapen I-Pakai’uJesu Christa, Van Laltounahindalha a;amangthaidingsaeiholhatnanaahungtoh – eihokhel’a hung thi’a;themichannadiuvathoudoh kit pa chuahi.

Mathew 9: 37 – 38 ivet leh,

V 37 Chang’at ding atamlheh in ahivang in atongaalhom me.

V 38 Hijehchun,achang at na ding a natong ho ahinsolna din, Changneipuheng a taouvin, tiakimui.

Hiche va hin,

> ‘natong ho’ ati hi, PathenLenggamnatohnadiakalsongdoh/kondoh ho (Missionaries)ihiuve.

>‘Tao uvin’ ati hi, Houbungmithengtejouse, Pathennatohna a panla ho (Suporter) ho ihiuve.

> ‘Changneipu’ati hi, Mission neituPathenaseinaahi.

‘HETOHSAH’ (WITNESSES)

Hiche thucheng in ahuop thilpoimo thum ho chu-

1. Kampaothu’ahettohsah ding (By word)

2. Natoh (umchankhanchen) a hettohsah hi ding (By deed)

3. Melchih’na a,Pathenlhaogaothengthahatthilboltheina ho a hettohsah ding (By sign and wonders)

 

Mathew 28: 19 -20  sungaJesuthulhahna, ‘Mission’ natohnan ahuoppoimo ho.

1. Cheuvin, mihojouse (Chitin Namtin) seijuijin gasem un.

2. Patoh chapatoh lhagaotheng min in Baptise gabolun

3. Kathupeh chengse anitna diu vin gahil un.

 

PAKAI LENGGAM NATOHNA A POIMO THIL THUM

1. Kipanathupha hill hang (Preaching)

2. Pathenlenggamthuhilchet (Teaching)

3. TahsalehLhagaonatna ho suhdam (Healing)

 

MISSION KITI HI AHING AHI

Mission natohga (Impact )jatchomchomimuuvinahi

1. Addition – A tahsan ho akibejing e

2. Multiplication – A tahsanho apungjing in ahi.

3. Ripple effect -  Twikulsung a song kiseplut ‘a, hiche force chun twikul pumpi achansoh ta bang ahi.

 

Hijehchuntuniithupiu, “KATHU HETTOHSAH’A NA PAN DIU AHI”

kititohkilhonnachangtelchulehThupibelapchu, Isaiah 54:2, ‘NAPON BUH KEHLEN IN’ tiahi.

 

‘Na ponbuhson nakehlen in, Nachenna pondal chengse kiphajalsah in, Nakhaojang ho chu nungjel hih in; Nakhom ho chu phutdet jingin’,Isaiah 54:2

 

1. Ponbuh son nakeh let

Houbung khat a iumnau hi iponbuhson nau khat ahi.

Mikimkhat, Pakai ponbuh sonna a apan lah dan u, vetton theija ka mu doh hogah veu hite.

1. CMC, Vellore mun’ ah ‘MUF’ (Missionary Union Fellowship) :

Christian Pathen natoh ngai sang hon, taona leh thilpeh a Mission na atohnau khat ahi.

2. MerangkongGudhula Mission, Nagaland:

Pathen natohna(Mission) gelkhohhon Missionary natohna dia Pakai ponbuh ason’uva,aphudoh u ahi. Amaho natoh doh u khatchu, Amri Karbi ho lah a kipana thupha phongjal din Missionary ana soldoh un, tuhin Amrikarbi ho lah a Pathen thu amachal lheh in ahi.Houbung 25 valtauve.

 

2. Ponbuh kipha jalsah

>Ponbuhchukiphajalsahngaiahi.

>HuoplendeuvaPathennatohtohngaiahi.

 

3Nakhaojang ho chu nungjel hih in

>Ponbuhsonna’athilpoimotahchukhaojang hi ahi.Hichekhaojangchun bon buhchulentahaphahsahtheiahi.

>Pakailenggamnatohna,nakipehna, chulehnapanlahna ho nung chon hih in,machalsahjontinaahi.

> Luke 9:62 Mi koi hilehLangkontuhta’akinungheiyaanunglamve’achu,Pathengama hoi ahipoi,ati.

PakaiJesun Hiche thuhil anasei phatlaiya chu Loubol mi tamtah ana um himai thei ahi. Loulhou mi, a Loukaipet’anung lam vetchu machallouna, leh loukai dia lhinglou tina ahi. Hiche bang a chu Pathen natong dia kipatdohta’anung lam thilngaijing, vejing ho chu Pakai lengam amachal sahtheilou ding ahi.

  • 1 King 19:19 Elijah in amathalheng din Elishaanakou vin ahi
  • Elisha hi Loukai mi ana hi. Amanbong chalto 12 toh Lou ana kaiyinahi. A loukainamun’a Elijah Themgao pa ahung in, Pakai kin boljo din ahung ngensen ahi. Amajongakipatdoh in, abongchal ho jouseathat in, a Loukainamanchahjouseasusen, Pakaina tong din anakipan tan ahi. Hichun avetsah chu, nung lam thilngai chat nabeijaPathennatohna pan lah dingtinaakimunahi.Nung lam a thilumhoingai chat kit louna dia suhmang ding tina jongahi.
  • Phil 3:13  Nunglam a um thilchengse chu kasumil in, masanglam a um thilchu kadellin ahi.Jesu christa a Pathen kouna sang lam a hatman sanna ding a abimun chu hadela del kahi.

4.Nakhom ho chuphutdetjingin:

Ikhaojang hou kaisalna dia poimo chu khom ahi. A khomchu adetchen’a Ponbuhchu ding jou ahin, chuleh kiphajalsahjou thei ahi. Adetlouteng hui pi gopi’n ahin nuhteng ale mangthei ahi.

ITAHSANNAU KHOM CHU JESU AHI

>Jesuchrista’ itahsan nau a detngai ahi. Amanei sol nau hi kichehtah a tuhchah ngai ahi.

>Keima neingailut uleh kathupeh jongna nit ding u ahi(Jn 14:15)

> Pan Keima eisol bang a keiman jong nangho kasol nahi uve. (Jn20 : 21)

 

JESU I-NGAI LUT ULEH ATHUPEH I-NIT DIU NGAI AHI

Athupeh chu hiche ahi- ‘AmavangLhagaotheng nachunguva ahung lhun tengle nanghonTHAHAT nanei dingu ahi; chuleh nangho Jerusalem ajong, Judea gamsungse’a le Samaria, chuleh Leisetchung gam jouse’a;Kolmong geiya,’ KATHU HETTOHSAH’ a na pan ding u ahi, ati’. Acts 1:8

Tahsan chate dia Hiche hi ‘Mission’ ahi.

Jesu Christa ‘Mission strategy’ chu–

  • Jerusalem
  • Judea gamsungse
  • Samaria,
  • Leisetchung gam jouse
  • Kolmonggeiya

Solchah Paul in, Corinth mite anatil-khou bang a,eihonjong i-ponbuhsonnau ‘KHOM’ iphudet jing u angaijin ahi. ‘Hijehchun sopi deitahte, dettah-in suhlong hoi hilouhel’lin pang un, Gunchutah-in Pakaina tong jingun;natohgimnau chu Pakaiya moh ahipoi,ti nahe uve’. 1 Cor. 15:58

 

LUNGEL’A KIKHELNA

Rev Dr JM Pau, Sr. Consultant, DAI

KWSG, dated 21-01-2018

 

Sermon text: Roman 12:2 “Nang hon hiche leiset chon hi jop dauvin, Pathen lungdei, apha le santhei dol chule chamkimna chu naphot chen theina diuvin nalunggil'in kisemthahsah-un, kikhelsoh sah-uvin”. 

Kum sung’a ding’a KWSG bidoi ding’a kitahdoh, “Lungthah keng’un lang lim chom pu uvin” Rm 12:2 ahoi lheh in, hijeh chun hiche Bible chang sung’a lungel’a kisemthah tipahi tunin veu hite.

Martin Luther in mihem khat kikhelna ding’a ngaikhoh asah ho chi thum in anahom khen’e:

  1. Conversion of the heart (Lungil’a kikhelna).
  2. Conversion of the mind (Lungel’a kikhelna)
  3. Conversion of the Wallet (Sum lam’a kikhelna)

Lungil’a kikhelna. Pathen thusei hon na penthah tah em tia eidoh jiu hi lungsung’a kikhelna pa hi aseinao ahi. Evangelist kana hi laiyin pengthah louva Pastor/Houlhacha natoh min abolkhah ding tijat jeh in lungil’a kikhelna pahi kakhohsah in hapan in kana pang’e. Lungil’a kikhelna / noplhahna chu khatvei bou um ahi. Penthah hi “once and for all” ahi.

Lungel’a kikhelna: KWSG in kum thupi ding’a deilhen hi “conversion of the mind” ahi. Bible sim, vahchoi lasah, kikhopna a jao adg. Achom lam’in masang’a ngaito naho athah thah a ngaito kit ding tipa chu ahi. Mi kon khat bang chu kingolsah a hinkho ana mangloi, hijeh a chu kingolsahna lungput anei nalai ahi jeh in hiche kingolsahna lungput sodoh kit nalou ding’a lungel thah lutsah jing ding ngai ahi. Vetsah nan computer programming jong khu a programme update ibollou va ahileh aluipa programming control noiya chatloh ahi. Lungel’a lungheina neiding kiti hi penthah kit hitalouva haldoh kitna ding’a kilhandoh thah, lungel thah angai najoh chu kiseina ji ahi. Hiche nading’a chu lekhabu pha sim in, loi-le-gol pha toh kivop in chutileh thupha gel jing theiyin natin, nakam sung’a thupha hung pot thei ding ahi, kiti ji ahi. Pengthah sa kon khat in, ahinkho mandan ho avet tengleh pengthah lou bang’a akigel theijiu pau hi lungel’a lungheina lhahsam jeh, aboijeh ahi.

Tukum a ding’in William Barclay devotion kasim in, aman “Amazing Grace” laphuhpa John Newton thusim khat hitin asun’e, “Pathen a kakipa teng vangam a um kabang jin ahinlah chomkah louvin lung gentheina in eihin lon khum teng kakipana abei ji tan, balloon pohkeh kabang’e”. (I seems to be up so high and down so low). Hiche dinmun a ium teng geldoh ding chu penthahna dihlou jeh hilouvin penthahna hinkho niseh a khantou na ding’a iman khahlou jeh ahi pen’e. Mi bolkhel ngaidam theilou aum khah jongle ol-ol a kihambol a ngaidam gout tei ding, mi vetnomlou nanei jong leh sudih gout ngai ahi. Hiti ho chu ibol theilou leh lungthim kikhelna pa hi lhasam ahi.

Conversion of the Wallet (Sum lam’a kikhelna): Penthah lah-lah a Zacchaeus (Jakai) penthah anal/ahoi pen’e. Pakai Jesun, Jakai mi nalhep a, mivaicha ho nagel doh em?? tin jong adong poi. Jakai apenthah phatchun amacham’in (ahung dingdoh in) akipana asei pum-pum’in, thil ni leh thum aseiye.

Pakai mi thil kaguh aum jong leh.... Jakai hin ahetlou va umthei ahi dan chu ahet dan ahi. Ahilouleh tax collector ahi jeh a atamjo alah khah umteiyin te ati khat jong hinte.

Ajat li in lesah ing’e... Leviticus a kisei chu mi thil dihlouva kila aum leh jatli a lesah ngai ahi. Jakai penthah hi penthah dihtah ahi jeh a sum le pai dihlouva analah ho jong Pathen thu toh kitoh a lesah ding agot ahi. Eiho vang penthah jou nung’a jong sumpa sah ding kihetmosah atam in aphamo lheh e.

Mivaicha ho jong panpi ing’e ana tin ahi. Alungel a pengthah ma-ma ahivang’a anei agouva pengthah theilou aum ji-e. Thusim khat hitin ana kiseiye, “Mihao khat hin tolom kidon teng sum lhomcha cha an ape jin, nikhat thupitah a kikhopna khat a anung lang’a touna umtahlou jeh in, a pastor paovin amasang lang’a atousah tan ahi. houin sahna ding’a fund raising program hidan ahi in, pastor pan jong jona taona nang hung pang’in tia atepleh amajong anom’in..taona ahin mang tan ahileh houin chu luival hitan tin bohnen ahunglhan aluchang ase peh leh Pathen lhagaovin atohkhah ahisah in ama le aman, Pakai hapeh in pe tang’e ahitin ahileh anoiya Chairmanpan jong adang jong akhelha ding umnalaiyem ati nalai set e.” Edward Reichmann mihao khat ahi in, athi ding kon in envelope ni aji-achate apen; kathijou jou teng envelope masapa hi nanavetdiu anina pa hi kathijou ni som thum (30 days) teng le bou navet diu ahi ati peh e. Chomkhat jouvin athitan envelope masapa avet uleh hitin thu akisun’e, “chate nangho kom a ngehna nom kanei chu hiche ahi, neivui teng uleh keng moja colour kadei pen-pen neibusah un lang neivui teiyun ati. Achaten jong apa moja color dei pen chu achoiyun, rabbi pa kom a kapan athi masang’a adeisah ahi jeh in hiche keng moja toh hin eivui tha peh teiyun tin atao uvin ahinlah Rabbi pan Jews chon/houdan toh akitohpoi, napa lhagao jong kipah dehlou ding ahi atipeh in, keng moja sepehlouvin avui tai. Chujouvin nisom thum alhinphat in envelope nina pa ahon uleh hitin anasei kit e, “Chate ho keng moja kadeipen tohlah neivuitha tapouvin, hijehchun phaten ngaiyun, mihem in sum ijat nei jongleh athi teng keng moja cha jong akipoh theilou ahi he uvinlang hinkho nanei sung’un genthei hahsa ho khoto na in pan nasatah anala uvin, tin aseiye”. Hiche chu ahi conversion of the wallet a isei nom pen uh.

  1. Purpose of the renewed mind: So that we will not conformed to the pattern/system of this world. Don’t copy the behaviour and customs of the world.

Leiset mihem hinkho pui dan a aphalou ho joplou ding. Office natongho jong system aneiyin koima pouva kibanglou, eihon jong pu-pa chondan ineiyun..hiti ho jouse lah a aphalou ho joplou ding tina ahi. Chutileh Pathen lungdei ihetdoh thei diu ahi. Nagaland a engineer khat hin anatoh chomkah louvin, in song thum asa in, gari jong ni lang achoh doh in ahi. Mi abang in afel e atin, abang in vang afel vang in adihlouva kon ahi ati. Hitobang’a mihem chondan dungjuiya ium teng Pathen lungei kihe theijilou ahi.

Kikhel iti teng hetbai pen chu lungtol a kon’a mitthah hungsoh doh hi ahi (Metamorphosis , Caterpillar – Butterfly). Tahsan chate jong nikhat leh ikikhel diu ahi. 1Jn 1:3 a chun Ama ahungphat le amatoh ibah diu ahi ati. Kumlui sang’a kumthah sung’a hi aphajo a kikhel khel ngai ahi. Pengthah ta a ama nop-nop a umho vang chu kikhelna/metamorphosis umlou ahi.

  1. Process of the renewed mind: Two agents involved in the renewed mind.

Lung kikhelna ding’a apoimo chu;

Words of god: Pathen thu ma ma in ahoi lang kikhelna napeh ding ahi. (Col. 3:10, “Ama lim to-banga Sempa chu kichentah a na-hetna diuva tang louhel'a semthah jing jeng limthah chu nakivon joh-u ahi.)

Holy Spirit: Lhagaova pilhin na ding’a phat ngai ahi. (Titus 3:5, “eihon adih a thil inabol'uva inatoh jeh-u hilouva, amihepi jal'a eihuhhinguva penthahna twiya asil'a, Lhagao henga asemthah a)

  1. Two actions involved in the renewed mind:

 

Outside in & Inside out: Mithuseiho apha ho nakilahlut a, hinkho a pohdot ding. Lekhapha sim ham, film pha vet ham chu ahi. Hapta khat a khatvei ham houin kaiya thusei hon ipi asei ham jong helou dimset kitji ahi. Mijousen asei ji chu tuni thusei chu anom’e atijiuvin ahinlah hinkho a khanpi ding’a hetnomna hi alhasam lheh e.

Kei kapenthah jou chun lekhabu kasim nom ma-ma in ahinlah achohna ding kana neipon ahi. Kakho kom uva OM Book manager khat ana um’in, ama kom a chu hepa lekhabu najohho hi kasim nom in ahinlah achohna ding sum kanei pon..lungset tah in lekhabu hi sim ding’in choiyin ting anen aumlouna ding’a phatecha katom a kasim chai teng ase abel aumleh lesah ing ting achutilou leh nang in kijoh kit in tia katao leh akhohpoi atin lekhabu tamtah kana simdoh e. 1975/76 kum laiya lekhabu kana sim a kon kahet ho tu geiyin in jong eikithopi in apang jing’e. Elim Resource Centre a jong lekhabu pha simthei adimset e..hijeh chun hung kilah jiu vin lang sim cheh ute. Lekhabu pha hasim utin, thupha hangai ute....Tulai khangthah hon ima jouse smartphone a ihet got uhi aphamo lheh e, smartphone mantheilouna phat umthei ahi. Apo lang’a kon’a sung lang isemtup diu, sung lang’a kon a jong po lang aphat na ding’a thulhuhna nei ngai ahi.

  1. Two attitudes involved in the renewed mind:

A serious attitude “to be transformed” present tense.......continuous process. Lunghan nading ihol leh atam a tam ahi. Gari tolho jeng jong adihlouva min eihin khokhel teng, pastor thu umlou, kilunghang jeng thei ahi. Jingkah ithoa pat a lungput adih a hinkho man gout ngai jing ahi. Koitabang chu amangse jong hilou, atho a pat lunghang sa a thou, lunghan nading jeng hol umdalou, lunghangsa a thoudoh tiho tabong hi suhdih ngai ahi. hiche hi niseh a Pathen lungdei lam’a ol-ol a kitol ngai ahi, leiset a Pathen tahsan lou lah a cheng ihe jeh uvin Christa mel iput diu hi apoimo lheh e.

Submissive attitude the action is not within your capacity but God is doing it. Lungel ngaito ho Pathen pehdoh ji angaiye. Eibol theilou, Pathen bol thei um ahi. Mi ngaidam theilou ham, vetnom lou...mihem hi jeh a jolal ding atam a tam ahi, lhahsam naho Pathen epehdoh le Ama in galjona ding alampi-pi ahin ngaito a eikithopi diu ahi.

  1. The proof of renewed mind: Mi akikhel mong mong’e ti hetdohna chu;

We will learn the will of God. Abang komleh insung’a ding’a, mimal ding’a Pathen deilam ipi ahi ding kahepoi iti jiu hi, Pathen heng’a ilungel/lungthim ipehji lou jeh uh ahi. Submit your mind to Him. Ilungel ho Pathen kom a ipehlut teng Aman ilungel hou eingaijang peh diu ahi.

We will live in the will of God. Mi tamtah in nangni nupa hin nom nasa lhon’e, thakhat in navaikon ji lhon in, Pathen thu nasei lhon in.... atiuvin ahi. Hichan hung lhun nading’a lam saotah kana jot lhon ahi. Kapenthah jou 1975 apat 1985 chan chu Pakai kom’a kana tao naji chu, “”Pakai nana katoh khompi thei neipen” ahi. Lamdihlouva sumholho, gunda ho hin leiset lengvai alo diu ham tia kigel ji chu o. Ahinlah Psalm 37:11  achun “Mi nun nemin gamsung lontin, Haotah le mongtah a um diu ahi” ati e. Pathen lunglam hol ho chu Aman malsomna lentah, mihem in agelsang’a hoijo leh phajo apehji ahi. Pathen lungel hi ahoipen leh apha pen ahi.

We will love the will of God. Pathen lunglam hol ho chu kipah tei diu ahi. Ajeh chu oh hiche kanabol chu tia kipathu aseinom jing ahi. Alangkhat a Pathen lunglam hollou ho chu kisih tei ding tina tabong ahi. Thusim khat a hitin akiseiye, “London bridge is falling down” ti thusim khat ana um’e. London khopia mikipah ho loi kholgilna nei group khat aum in amaho chun mihao ho kom agache uvin, nakipa hinam tia thudoh anei uleh mihao hon keisang’a haojo um a, miching hon jong chutiman kei sang’a chingjo um.. atiuvin, mihem gelding’a akipah tah a umdiu ham tiho jong akipah deh hih uve ti aumudoh uve. Ahinlah pasal khat London bridge noiya khosa khat kom ah nakipa hinam tia adoh uleh kakipah mam-ma e ahin tin ahi. Research bolho chun iti dan a mihao ho bon kipahlou va hiche leinoiya khosapa kipah thei ham tia akipana thuguh adoh uleh...amapa chun hiche bridge hi aitih a chim talou ding, lukhap a kanei songpi jong hi aitih a chiplou ding ahi tai tin, lungmong tah le kipah tah in ahin donbut e. Eiho kihi le vang pon uidehduh kisil, nen deduh a aumchu kisei tei ding ahi. Nei le gou, in le lou, gari etc a kipana hol hon mujou pouvin te...kipana ding ase theilou, achul theilou chu Pathen bou ahi.

***

KWSG Advent Christmas

Dec.3, 2017

"Christmas and 7 S’s" 

~ Rev Dr H Mansang Songate

Sermon text Mat 1:18-25) 

2015 in Christmas ina mang’un thupi ina sei uchu koi koi in inahed nalai uvem? Ihet diu vang chu tahsan aumbeh tapoi na? Thusim khat hitin akiseiye, USA a pastor khat in kumlhung keiyin sermon khat she-she kisei jing kei jongleh houbung mipi hin hetdoh ponte ati.

Kws a mithah kahipon, khangthah ho joh hi mithah nahiu ve. KWS kiphu masang’a kws member kanahi ahi tai. Tunin Gospel lasa them Ng jong eiho lah a ahung pang theiyin apha e. Hmar Christian Fellowship Guwajhati ten jong tuni hi fasting thanks giving prayer event 11 am kipat ding nilhah kaikhom kanei kit diu bunehna jong um ding’a gon ahi in, nangho lah a kahung lhah thei hi kavangphai kati maiye. Kaikhom jouleh nehkhom umding jeh in sottah kitou jongleh akhoh pon, nehkhom umlou ding hilevang sot tah tou ding chu boi ding ahi.

India gamsung’a persecution tampi tahsan hon athoh uhi ihetbeh sehlou dan uvin aum in ahi. Mun tam tah a persecuted ihi tauve. Eiho ivang phauvin problem umlouvin Pathen ivah choi thei uvin ahi.

CMC Ludhinia leh Vellore ho  jong government in lahding tin habol a abol lai ahi. Govt in hin la taleh Christian value um talou ding, min jong ajot nomlou ding ahi tai.Dec 6 leh court hearing umding ahi. Taona geldoh jing ute. Compassion international India hi evangelical organization lah a alen pen ahi in, akikhah tan ahi. Employee / staff India sung she she a 3000 val ahiuvin, employee ho jong agenthei lheh uve. Chapang tamtah ana sponsored hou jong, sponsore ding neitalouvin genthei tah in aum tauve. Organization dang 2 jong govt in habol in abol uve. Hiche ho hi taona ikop diuvin apha e. Kipana thupha lhangsam ho, adoudal atam lheh tan ahi. Government keo hilou, mipi akon a hotbolna akitoh jing tan ahi. FMPB ho jong India gamsung’a missionary lenpen, 2000 val missionary ahiuvin, govt in opposed ahabol lheh in ahi. FMPB missionary ilah uva um jeng em? No. From all angles  a problem  ito jing lai uh ahi.

Eiho denomination chom chom in umjong leu hen, God’s church is only one. Denomination tamtah in umjong leuhen, taona ipan khom jing diu angai tai. Hou lamkai ho ahi in milham hijong leu hen, ilungthim uva ichin uva, taona ihet jing diu ahi. Hijeh a chu ikitho khom diu taona hihen adang dang hijong leh nasatah a pan ilah jing diu ahi.

Advance Christmas ahi in, Philippians lang khun September lha apat Christmas huinun kipan ji ahi tai. 1996 achun International Management course khat kana bol’in, ka leader nu uvin Mall lentah khat a mall jousea we wish you a merry Christmas tin kana sei uve. Eiho vang December 1st week a jong hi Christmas huinun kija ji lou lai ahi. Amahon hitia asei uchu o, When the month ending with ‘ber started then Christmas begins tin alauve. Mall jousea kacheuvin Christmas wish kagabol uve.

Tuchung thupi hi kahung kit phat teng ana melchih go tei uvin.

What was the first Christmas like. How was the celebration? Who all are involved?

Hiti ho jouse donbutna hi Mat 1:18-25 achun mudoh thei ahi. Eihoa vang chu ni ijat ding, vohsa ineh diu ha? bongsa ineh diu ham? Vohsa/bongsa mai maiya iboi jiu ahi.

WHAT WAS THE FIRST CHRISTMAS LIKE!

  • Christmas was not a festival. Was not a party: Neh le chah ibol jouse hi festival ahi bouve.mi kipana party tobang hilou ahi
  • No gifts and no celebration, only doubts and fear: Kipa thilpeh umlou, eiho vang gift tampi ikoi kit un, achnag lou jong idimset kit diu ahi. 1st Christmas a chu kichat leh tijatna dim ahi. Vantil’in Mary kom a chu kicha hih in..Joseph kom a jong kicha hih in…kicha hih in..ti gel ahi…
  • It was a nightmare for a young couple to be: Nungah gollhang kicheng ding’a kitepsa ahi lhon tan, Joseph le Mary in lungel (Plan) anei ho chu 1st Christmas chun asuse deh e. Amani ding’a nightmare ahi.
  • No birth celebration according to Jew tradition!- Juda chondan ngaiya naosen apen teng kipa-thanop golnop abol jiu ahi. Hichu naosen pasal ahi dehset leh thupi jocheh a abol jiu ahi. Ahinlah Jesu apen chun Juda chondan dung juiya golnop ana umpoi..Music agin le min hite khun cha anei uve ti ahet jeng ahiuve atiu chu o. 1st Christmas a chu Mary leh Jospeh mai2 um lhon ahi in, no celebration.
  • Change of plans, desires and dreams: Mary leh Joseph in athoh lhon hi Bible in seihih jongleh igel teng ato lhon dinghi…Ginmo chang lhon tei ding ahi…eiho kom’a ipi lhagao theng’a kon hihih in te…tin kisei chai deh ding ahi. Aizawl’a kaloiho hi thuse seiji jong them, apha seije jong them ahiuvin, college kana kailaiyin, lhaseh leh jankhat hi duthusam seinan kana mang jiuvin, nop kasha dan dan uchu, lekhasim sang’in anop jo ji e. Kaji dingnu chu chute ding khati ding… Mary leh Jospeh in jong hitobang’a chu lungel anei lhon ahi. Ahinlah Pathen plan jeh chun amani plan chu adalha lhon tan ahi. All of my plans, dreams inei soh keo uve
  • Shame to self, family, community: .. Thilsoh ahung soh ding chu ama ni ding keo hilouva insung leh aheng ahom kom geiya ding’a jachatna hithei ahi.
  • Being alone, and suffer alone BUT OBEDIENT TO the words and commands of God: .. Mary leh Joseph in Pathen program joh alhen lhon jeh in genthei athoh lhon hi Bible in seihih jongleh igel teng hetdoh thei tampi aum’e. Ginmo chang lhon tei ding ahi Eimiho society hileh vang Mary naovop hi lhagao theng’a kon hinaisai ponte…kitia kisei se le-le ding ahi. …Jospeh in ahihih e hepa, lhagao theng’a kon ahi tin tao lele jongleh eiho kom’a ipi lhagao theng’a kon hihih in te kiti kit nalai ding hichu o…Joseph in Pathen thusei leh bolding’a asei ho chu anelkal pon, athunung/athungai jel jeng’e.
  • We don’t worship baby, we worship the true God, all powerful and mighty KOK: Christmas nia hi naosen bday iman uh ahipoi. Thinglhang’a hi atamjon naosen mai mai peng dan a igel jeh uva ikichat theilou uh ahi. Hichu hinai sailou ahi. Amahi thanei pen Pathen, lengho Leng pakaiho Pakai ahi, hetngai ahi.

TODAY’S CHRISTMAS!

  • Christmas is mostly connected wish of joy, gift, peace, celebration and merry making: Tulai in vang Christmas hi kipa golnopna, thil kipeh tona etc hoa mang atam tai. Social network jeng’a jong message hoitah tah kithot to nan imang uve. Kum masa jong chun pastor khat le ajinu min in message hoitah khat kamu in a forward ji mai seh-seh kihe beh chu, kaloi ho jouse jong amani min in kana ban thot son e..Queen Elizabeth 100 Christmas sermon kangaiyin, khatvei jong Jesu min aphahpoh lam kaja hih e, Jesu thusim gasei peh ngai ding ahi. Jachat umtah ahi. Athi masang’a seipeh tei ngaiyin te.
  • Dance, eating, party and even wild parties! THE GREATEST FESTIVAL –meaning!
  • Greatest birthday bash without the ‘Birthday Boy’!
  • Bawngsa, Voksa, etc, How many days!
  • New dress, family/friends reunion MINUS birthday boy
  • JINGLE BELLS AND CHRISTMAS FATHER!: Mikangho keoseh ahi tahih e. Aizawl a jong Christmas Father athupi sah dan dan uh…car thupi tah a hung tou ding, lampi pam a umho mithai apeh ding…lampi ho ama hungna dinmg’a reserved kibol jeng ahi. Jesu lam lam ahe phah hih beh uve.
  • But the joy of Christmas is “THE GIFT OF LOVE”- A BABY BORN IN A MANGER: Hiche hi ahi 2015 a ina sei thupi chu The gift of God’s salvation. Mipi hon ana hehih jongleu chun ka record kana vet a kahin geldoh kit jong apah thouve.
  • Marwaris and businessmen benefitted more than us!: Ka classmate Marwari khat in Christmas season a kajohdoh hi kumlhun keiya kajohdoh sangin atamzo ji e ati. Program asaove itiuvin, kitchen lang’a hojong ahung nam’in anom thouve….(mipi nui…)
  • Burdens, dress, gifts, collections-Kut, Krismas, etc!

THE 7S’s MATH 1:18-25

  • Christmas was a SHAME- THE PLIGHT OF MARY AND JOSEPH: OT khanglaiya numei mi ji ding’a kitepsa chu midangtoh ajon leh mipi masang’a kaidoh a um’a, chuteng song’a selih ding ahi. Hichu Joseph in ahet ahi. Kichen masang’a naovop ding chu jachat umtah hiding ahi.
  • Christmas was SUFFERING (and now?): Ajan jan in Eypt a jampi tan ati chu ahah ding dan..chenna ding in jong neilou. Jesun ana sei chulah, vahcha ho khu veuvin, amahon gena ding bu aneiyun, gam ui jeng in jong ko aneiye. Ahinlah mihem chapan lungngapna ding mun anei poi, ana ti.
  • Christmas is SEPARATION & LONELINESS (Welsh missionaries): Pathen in akoudoh ho hi-ami te lah, akho sung, ain sung’a kon a gamlha tah a akoudoh jin ahi. Keiho jong ghty kahung uchun eimi koima ana umlou lai, Rev Haokhothong te sehseh ana umnalai ahi. Tunvang nahung hung uvin idimset tauvin, anom ham anomlou ham kahe tahih e….separation from love ones is Christmas ahi. Jesun jong van a alalna ahin dalhah a leiset a hung ahi.
  • Christmas is SURRENDERING SURROUNDINGS (Kichung, R Hmar): Ikim vel’a nopsahna ho idalha diu anagiye. Naga ho lah a BA masapen chu Kichung ahi in, MA chai masapen chu Dr Iben Wati ahi. Mr Kichung in BA ajojo in Nehru in lekha ahin thot in NEFA (North East Frontier Agency a Governor ding’in ahin tem in ahi. Kichung in ipi asei yem, Mr Nehru I am very honoured to be appointed as Governor but my Lord has called for me for His Kingdom tin ana donbut e. Chujouvin talop sang louvin thinglhang gam a school ana bol in ahi. Ama jeh a Ao Naga chamkang ahiuve. AO Baptish Church Kohima a mi sanghli val kikhopna khat a hitin kaseiye. Nangho hichan naphat thei nauhi, nangho bol thei jeh ahipoi, amasapen chu Jesu christa ngailut jal leh anina Mr Kichung in pan ana lah naho jeh a bou ahi kati peh e. R Hmar jong IRS jong ahi in, IAS jong ahi. Pastor conference Tripura kache nauva Iben Wati asei achun R Hmar IAS officer ahilai chun a car kot ho chu ahong khapon, akhah khapoi, driver pan car ahongpeh masat jin, pastor ahi phat in vang mission field a second hand cycle akitol le atileh Bengali pastor ho chu amitlhi pul lut-lut jeng achu o…nopsah naho dalhah ding ahi..hichu Christmas ahi..Amen
  • Christmas is SANCTUARY OF GOD. You and I am the SANCTUARY for Jesus: Eiho jong sanctuaryihiuvin, ium nao jong Pathen umna ahi.
  • Christmas is SHARING (Good news, etc)….?
  • Christmas is SACRIFICE (Now- are we?): Kachate kom’a tun nangho nakisasah thei tauvin, midang joh ding’a sil le chen kabol pih di tai kati peh jin ahi. Pastor ho, evangelist ho ding’a ipehdoh ngai ahi. Eihon ichate hou lekha simnomlou ho seminary a isol jiu vin, athem dom ho chu service holdin isol jiuve. Pathen a ding’a apahpen pen chutileh Pathen phatheiboh nachan ding ahi.

7Ss OF OTHERS IN THE BIBLE

  • Abraham separated with his countrymen, kindred and his father’s house (Gen 12:1-3)
  • Moses forsook Egypt (Heb 11:27)
  • Jesus met ultimate shame and pain
  • Mary fore shook her desires, life and at risk of being stone to death
  • Joseph forsook everything and bore shame
  • Begin at home, govt. job, earn more, etc?? Eg: Kichung, etc 
    Nov. 19, 2017: KWSG Foundation Day sermon highlight in pdf format available below.

    KWSG Youth Sunday

    Dated November 12, 2017.

    “Teenage :Drinking, Marriage & Temptation” Rev M Haokhothong, Sr Pastor

    Sermon Text: Eccl 11:9, "Vo khangdong, nakhangdon kipapin! Nakhangdon pet'in kipah jingin. Nabolnom nom bol'in, nadei deiyin chonin. Amavang ipi hile nabol chan chu Pathenin thu natanpeh ding geldoh jingin."

    Tunin ilhoh uh exercise bol go ute. Keiho lekhasim laiyin multiplication table chinpham kanapo jiuvin, tulaiyin nanghon calculator, mobile phone, computer etc tiho naman phat uvin nalhohbuh uh jong exercise bolna ding phat nanei tapouve.

    Koiho hi Miching nati em? chuleh, koi chu Mipil (Smart/Active) hiham? nagel khah tah em!.

    Keima lungel tah in miching hohi: Kamtamlou, milah a doh behsehlou ahivang'a lah thukhoh ahilouleh akinohphahna aum teng thu sutoh leh aseicham'a pangji ho khu ahi kati..Eiho lah a hin 2-3% bou miching title peh thei din kamu bep'e.

    Mipil hohi vang munjousea seikot nei tei, toh ding tham ding misei-sei ngailouva amacham a kipan jeng ho tobang khu ahi kati nom'e. Keivang hiche category ahin kalhing joupoi. Nahet thei nadiuvin thil kato khah zing lah a khat hin sei ing’e. 1973-74 lai chun Guwahati a keiho bou kana um’un, adamlou-ahahsa, athi amang vetjing angaiyin, nikhat Kahilipara lang’a isopiu pasal khat a ihmut na a athou tapon, eihin kou jeh uchun kaloinu toh kache phei lhon tai. Amun kalhun lhon leh thilong masang’a kalung aneovin (nerveous) ipi bol ding, ipi seiding jong kalung thim’a ima akilang tapoi. Hiche pet chun kaloinun pasal phabep ho chu akou khom’in, alupna jalkhun ho chu inche tape a chun ate in, asao ding dan, avai ding ho atetoh soh phat in thikoung asem sah in ahi. Kenvang kapum geldohlou ana hi, hiche jeh chun kana thot doh thei uve. Thisan kavetngamlou jeh a doctor kanahilou ahi...keiho khanglaiya chu isim nom nom kisim thei anahi.

    Skilled/expert nahi hai, unskilled nahi ham?

    Unskilled kiti chu nikhotha (daily wages) a natong ho kiseina ahi. Skilled kiti chu thepna khat beh nei ho kiseina a kimang ahi. Skill/expert kiti hi i-atileh hung kondoh ham ti nagel khah em? Ken kagel’a hi Japan leh China te jeh ahi kati.

    Tupet2 hin China ho vannoi leiset a thilsem in achom beh uve. Athil sem houhi akidangin ajat2 aum’in, ahoiyin chuleh aman jong abai thei jep teiye. Aman abai joh jeh in mihon akichoh tei jiuve. China te masang in Japan te ana kisei min thang’in, keiho gollhan lai ahi. Athil hou neocha-cha ahi in kisuhsel-sel, ahoiya-hoi thei ahi. America te vanghi miphadepdop, lung jong gelbeh sehlou, mi lunglen, mi sei-sei ngai ahiuve. Hijeh in South India lang Christian hon sum adei man uvin America ho alhemlha-lha uvin, tulang hin vang ale hetdoh phat uvin achingthei jep tauve. Hiche jeh hin khang jong khangtou behsehlou vin kamui. Kei golhan tillai, kum 60 masang chun German te ana kisei min thang’e.

    Japan tehi atoh lam2 uva apontho uvin, serious ahiuve. Eiho hi serious kiumlou, moh bol2 kiti ho ngan ihiuve. Eiho lah serious mi kihol leh 1/100 ham bou kihin te. Kei jong ka serious poi. Serious tah mi ho chun ipi ham khat angaito uleh boldoh tei na dingin thildang agel thei pouve. Japan ho vang a serious thei uve. Hijeh chun insung’a nule-pa leh chate kumkhat leh 2/3 veibou akimuto behsei uve. Hijeh hin amaho lah a skilled atam uve. Eiho vang office kaiho jong, office geiche ding office hin madalhah kit kiti ho...office natohna a jong serious lou dimset kit ahi. Newspaper jong headline hobou kisimnom, asungthugil simnomlou mi kitam in te.

    Tun tunia Bible chang edeilhen uh khangthah ho thu seitaute. KWSG Secretary kum sohtah anahi Pu Lunjalen chun khangdong hohi nabolnom2 bol uvin tia ana til2 ji chu o...khangdongho bolnom nom aseipeh jeh chun, a inn a mi cheche jeng..keikom ah lah koima hungnom lou.. Paocha seh2 kumkhat leh 2/3 beh ahungji e...

    Thuhilpan aseihi khangdonho deichitah ahi. Edei dei bol ding, edudu neh ding, sei nom nom sei ding, bol nom nom bol ding, koima ginlou ding......hiche kalval a anom hoiya kimu tading ham?..Sunday khat chun “No turning back” ti thupi mangchan ina kihil un, hiche ni chun bolnom ho bol’ou ding ina tiuve.

    Tunia Bible simdoh uchun achainan hitin aseikit e...amavang nabol chanchu Pathen in thu natanpeh ding geldoh jing in..atihin akan kit tai. Freedom......chamlhah.....jalenna thu seiding’a kagel lai hin,hiche akisei masang in tunia esei diu hi kiseileh phajon te kana ti ahi. Bible hi simchai pha ahi...edeilai laic hang bou isim teng athu kihe lhinglou ahi.

    Enjoyment hi chini nia hopthei ahi.

  • Sunglang / Internal: following your hearts desires,..
  • Polam / External : Whatever your eyes see, doing what you want to do..such as dancing in clubs... drinking, drugs, tamul pan, khaini neh, tuibuh don, judon, cigarette...aboncha keiya hi enjoyment ahi necessary ahipoi.

  • Tulai phat a hinkho kitup tah a naman nom leh essential / necessary hetkhen ngai ahi.

    Enjoyment lah hin khangdong ho dingin jat thum in hom khen ute.

  • Teenage and Drinking: Youth & Drinking, alcohol, marijuana..etc ho hi youth ho enemy ahisoh keiye. Na melmapa toh nakihou thei nom em? Keivang kapin kaneo laiyin, kagon behseh jehin, jukha athengsetpa khu themkhat khat eina donsah ji-e. Hiche lai khang chun aphat asset ahetlou jeh uh ahi. Tun vang nanu-napa teuvin, ipi jeh a judon, cigarette chep...aphal lou ham? Aphatlou ahet jeh uh ahi. Tulai theitwi jeng jong 60% sugar ahi in, athei mong mong 30% bou ahi. Hijeh a chu theitwi jeng jong tahsa dammo sah thei ahi. Eiho leh eihon dammo na ikilam thu jiu ahi ji tai. Aphalou chu itih ibol jiu ham?

  • Mat 18:7-8, “Ohe vannoi mite nadau ahi! Ajeh chu mihemte tansan sudoi thei thil tampi aum’e. Kipalna chu hung umtei ding vang ahin, hichea kipal lhuhna bol’a chu ada na-e! “Nakhut ham nakeng hamin natahsan asuh doi leh tan bong in paimang jengin. Khut le keng kim a tonsot mitmo meidil’a nakile lut sangin khut lang le keng lang beiya hin naa lut ding aphajoi”.

    Kidang nasah lou ham? Nakhut, nakeng, namit...in natahsan asuh doi leh tan in lang paimang in, kaldoh in ati... nageltoh khah tah em?

    Teenage and Marriage: Lekhasun khat in hin tin ana seiye, “If you are marrying a man to reform him then stop right now”. Pasal khat chu sempha nange tia nakichenpi gout leh ngadoh in ati ahi. Na golhang pa chu judon, dumchep...ikichen jou teng boltapong’e tileh nakichenpi dem? Nakichenpi leh nakisih tei ding ahi...ajehchu atohkha atam tai. Hou kibahpi lou toh jong kichen lou ding ahi. Kichen hi miniseh atohkhah hilou ahi, aboi jongleh insung pumpi atohkhah ahi. Christian sung jeng’a jong denomination chom chom kichen aboi atam’e. Natihlou saikha kao hih in kiti chu hetjing ngai ahi. Konkhat in kichenpi ing ting, khonung leh kagel bang’a achon lou leh kida nan te natileh, jinei da tan tin, lekha sun hon aseiye. Khonung’a kinepna ding’a najinei gout leh jinei da tan. Ajehchu jesun kichen hi tonsot a ding ahitai tin Mark 10:9, “Hijeh chun Pathen gopsa chu mihemin sukhen hih hen," seiye.  Hijeh a chu pastor hon mi agop teng uleh elbai hen, mitcho hen, mimo hen, chatmo hen....iti jong leh hinkho kanei sung’a kadalhahlou ding ahi tia akitepsah jiu ahi. Manipur lang vang akikhen adiomset tai.

  • Psychologist hon hitin asei uve, “chate ding’in anu-apa hamkhat joh athi sang’in akikhen teng uleh athotlal jo uve” ati. Nupa kikhen hi chate ding’a thoh hah dan....koiham acha lungsetlou...

    Be happy, enjoy your life, follow your heart’s desires ti chu ina simdoh uchu ahi, hiche kah sehseh hi enjoyment ahi. Enjoyment kiti hi aphatna themcha, asetna tamjo ahi.

    Danger signal of marriage:

  • Mixed marriage: Interdenominational marriage.. tahsan pomdan kibahpilou toh chenkhom hah ahi. Hijeh a chu kichen masang’a kivettoh ngai ahi.
  • Marriage with unbeliever: Pasal ding’in themkhat aphadom nan, numei ding’in vang ahah e. Kei jong kachanu Christian hilou toh akichen jeh in genthei kathoh khopset uh ahi, kaloinu guhthim’a akana tamjo ahi.... Pathen houlou toh kichen ding nagel khah leh bol hih beh in. Eiho hi mi frnak te ihiuvin, inui ujongleh kolho ding’a kilelah ibah kit uh ahi. Tahsan louho toh kichen Bible jong anom poi...2 Cor 6: 14, “ Atahsan lou ho to namkoljon khat pokhom hih-un, ajeh chu adih le dan dih lou ipia kikop theiya, o-le khovah-in muthim to ipi anei-khom beh am?  Hiche bible chang vang pumnoplou ahi.

 

  • Teenage and Temptation:

  • Lhepna kiti hi atam a tam ahi. Nalhem ding chun nadudu, na deidei a nalhep ding ahi hi henlang kiging phan. Hijeh a chu Bible in amahoa kon in jamdoh in, jamming in ati ahi.

    Bible in mijouse atahsan hi hen atahsanlou hijong leh lhepna achung’a chu tei tei ahi ati. Lhepna in koima khenna anei poi. Hijeh a chu lhepna kijo sah lou ding ahi. Otdoh ding, jamdoh ding hi formula phapen ahi. Hiche vang satan in abol hi ti lungel inei leh otdoh jeng ding ahi. Service lentah tongho din lhepna hi a power/authority anei jeh a lhepna hung thei ahi. Tua Assam a APSC a natong officer ho corruption case a kimanho chu geldoh in, officer lentah ahi vang’un tun imacha hilou diu ahi tai.

    Bible thusim a ken kapachat pen chu Joseph ahi. Potiphar in atuitui anehsah a, nomtah a avah a, achensah a....hijehchun lhepna ahat e.. Joseph itobang mi ahi chung’a pa bouvin ahe in ahi. Kei leh kaloinu jong kum 50 val kakichen lhon vang’in kakiheto jou deh lhon poi, mihem chu hiti kihibou ahi. Ahinlah a Pathen in ahesoh keiye. Joseph jongchu athepmo na umlou chu Pathen in ahe in-jail a alut jongleh alampi pi hung um ahi e. Asopiten imalouva agelpau Governor hunghi ahi. Joseph bang’a eiho jong Pathen in esem thei uh ahi tihi itahsan uva ihet uh ngai ahi.

    Bible in sum ngailu hih in ati. Ken seileng vang - Sum hi aphai, sum ngailut vang apha poi. Ken seileng vang sum deival hih in kati ding ahi. Sum chu dei ding, ngailutlou ding ahi. Bible munkhat in nanei kham in lung lhaiyin ati. Tunvang kapha tai ti umlou ahi. Nupi hohin keitabong’a genthei umtaponte atijiuve..ahinlah leiset hinkho hi ivet vet leh eisang’a gentheiyo um teiji ahi. Sum jong hi kidei ahi. Assamese kaloiho nachateu Bible simsah un katileh, Missionary ho talop alhom behseh in, government service joh bolnau vin te atiuvin..sum dei joh jeh in koiman achate missionary natongdin asol nompoi.

    Pathen toh nakikah adih pouleh adang Aman hin gel tante. Manipur lang’a teacher a pang’a, guwahati lang’a um eiho sung keoseh hilou, jatdang lah a jong dimset ahi. Adihlouva sum mu chu 500 amu leh 700 achedohna ding Pathen in asempeh ji ahi. Ahivang’in Pathen thusei hon kaseingamji pouve. Christian hinkho hi eima cheh in Pathen toh ikikah kisemtup ngai ahi.

     

    ****Kichai ta*****

    KWSG Nurses Sunday lolhing tah a ana kimang ta.

    Oct 08, 2017 (KWSG): Guwahati vangkho hi North East India ding’a health care centre ahitoh lhon in, khopi sung’a Hosptal hoa nursing care a natong chuleh simlai tampi aum tan, ahinlah shifting duty (Morning, evening, night) bol ahijeh uvin, Sunday kaikhomna ho deibang in pan ala jouji pouvin, hijeh chun KWSG in kumsung’a amaho ding gelkhohna leh tilkhouna ding’a nurses Sunday hi achesa kum 2010 lang’a kon hin kiman khom peh ji ahi tai. Chutoh lhon in tukum 2017, Nurses Sunday chu lolhing tah in 66+ nurse ho panlah na pum’in ana kimangchai tan ahi. Nu Akung Gangmei, Director, Pricilla  Centre, Guwahati in Nurses ho tilkhouna ana nei jouvin, kipa thilpehna KWSG in abol’e. Chuleh Rev M Haokhothong, Sr Pastor in Pathen heng’a vangthumpehna taona ana manpeh e. Nurses hoa kon in vahchoila ngeitah tah leh vetnom umtah lam ho jong houbung mipi ngaisah/vetsahna ana neiyui. Kipa umtah khat chu Pastor Thensiem, Chaplain, Satribari Christian Hospital makaina in Satribari nurse ho (32+) bus khat dimset in ahung uve. Nurse ho akon in amaho natoh dan achom lam in houlimna jong ana nei uve. Kaikhom kichaiyin, chadon khomna jong ana um’e.

    Alang khat a KWSG in tukum project len pen a anei, sound project dangka lakh 4.5 lang lut’a ana kicho chu tunin Rev Akhai, Pastor KWSG in thensona aneitoh lhon in akimang pan’in thusei, lasah anom chom lheh in ahi.

    Abstract of Message delivered by Nu Akung Gangmei

  • Natohna mun a Pathen ging in:

  • Exodus 1:17, 21 ve leu hen, ipi jeh a Hebrew numei naodoma pang Shiphrah le Puah in Pharoah thupeh jui louva, Pathen thupeh joh ajui lhon hin tem? Bible isim teng uleh imudoh thei u chu, amanin Pathen agin lhon jeh ahi. Naodom tenin naosen khohephalou tha ding chu Pathen deilou/chonset ahi ahet lhon jeh ahi. Thilse abol lhonlou jeh in achainan Pathen in phatthei aboh lhon’e.

    Eiho vang’in lengpa thupeh ahi, min jong bolna-a, in jong kibol leh khohpon te, iti juivin ahi. Nurses ho natoh hi niseh a thilhahsa tampi ato jing uh ahi. Chollheh jong leuchun mikhotona, lungsetna naneiyu ngai ahi. Nachung’a officer hon aphatseh a nachaloh dan navetlhih jing uvin tin, naphoh phon jongleu, phat kijen pet namu teng uleh damlouho toh phat naman theiyu ahi. Jesun jong leiset alen laiyin, Kapa lunglam bou kabol ahi ati. Nurses hon jong Jesu nungjui khat hina a Pathen lungdei ibol diu hi kul ahi. Chutileh damlouho, lungset ngaichaho, kinepna neitalou ho ding’a olna ihi diu ahi. Khatvei veileh nurses hohin iti lungneng tah a na atoh jiu ham tin kagel ji e. Tu naicha chun GNRC hospital ICU a kana um’in, ana-asa-adamlou ho umchan chu, kailhang sang’a khohjo ahi. Hichelah a lungneng tah a natoh ding chu hahsa ma-ma ding ahi. Hiche tobang lah a chu Christian nurse khat hina iti ichon uva ilamlhah diu ham? Kei gel’in, ilungsung uva Pathen gin na inei jing uleh Aman eilamhil uvin tin chihna, hetna eipeh diu ahi. Chutobang dinmun a jong chun Isarel te khanglaiyin Shiphrah le Puah in Pathen thu angai lhon in chuleh Pathen agin lhon jeh in thilse akon ana ongdoh lhon’e.

  • Thilpha deilhen hi akul e:

  • Delhi a college kaina kailaiyin, ka-unu ahung dam mo in, Naga doctor khat kom’ah kagavetsah leh damdoi ape-in, hiche nein lang nadam dom leh damdoi naneh moh ho hung lethah kit in atin ahileh kana detmo lheh e. Doctor khat hiya hiche louchang themkhat aval a-it a lethah ding’a aseingam jengchu! achip nalom’e kana tin ahi. Nichomkhat jouvin doctorpa kom’a kaga che kit lhonleh, damdoi chom ape in, aluipa chu akile lah tan ahi. Khonung’in mihom hiche doctorpa hi houin kikhop kichai teng vaicha-gentheiho kom’a chejia adamlou ho manbeiya aga jenji ahi atiu kahedoh bep e. Hiche doctorpa in abol thei dingho alhen chu hoi kasa lheh e. Mihemte hin mi thilbol ihetlou jeh a kimoh dem-dem thei ahi. Doctor ahijeh a company hon sample medicine apehji ho migentheiho kithopina, thilpha bolna a aman hi ahoi lheh e.  Thilpha boldoh theina ding’a thilpha lhen ngai ahi chutileh Pathen lhagaovin eiumpi uva, eikithopi diu ahi.

    2Kings 5:3 isim teng Syria sepia lamkai Naaman jinu soh-a pang Israel nu-ngah neo khat nun apupa damdohna ding lampi aseidoh peh imu diu ahi. Syria ten chubang’a Israelte suhgentheiya, ikhoh in kamelmapa damdoh theina ding lampi kaseipeh hih-e atithei ahi. Hiche Israel nungah nun Israel Pathen hi thilbol thei ahi ahet jeh in thilpha seidoh peh din lungsa-ihna aneipon, thilpha alheng joi. Thilpha seidoh ding alhen jeh chun Naaman in tahsa damdoh keo hilouvin ainsungmite pumpin Israel Pathen hinjing mihuhhingna mudohna in aneiyun, limsemthu hou adalha lo tauve.

    Bible choiya Pathen thusei ding chu mijousen kibol theilou ahi. Ahinlah midang Pathen angsung’a hinpuilut theina ding’a lampi jatchom chom dimset ding ahin, gel khoh ute.  Chuleh ipi chu bolding’a nadeilhen em hichun apoh ding ahi. Nurse konkhat chun midanghon adalhah damdoiho, khuttom, etc achomkhom jiuvin agenthei jepho apejiuvin ahi. Natoh ding tamtah lah hicheho tobang jong gah bolbe chu thilpha tah ahi. Nurse konkhat vangchun sum nehguh nan damlouho anei kit jiu thouve. Sum mohseh a amu uchu thangset um mai thei ahi. Hoiche pen bolding chu nalhen em? Nurses ho din thilpha bolna thilse bolna thei mun aum jing’e. Hiche tobang lah a Pathen lenggam toh kitoh a hinkho iman diu ham oleh mi umchan chan itho diu ham? Thilpha thilse lhen di chu eiho khut a um ahi.

  • Tonsot a dia Pathen thilgon het ding:

Damlou hung kijenho atamjo hi kinepna neibehlou lunglhasa ngan, insung mite jeng jong tilkhouna ngaicha ngan ahi nomji e. amaho tobang hin khotona, lungsetna, tilkhouna ngaicha tah a um jiu ahi. Hitobang phat imu teng uleh iti pan ilah thei diu ham?

Personal devotion kabolna khat Ezekiel 37:6 a chun themgaopan gu keoseh kijam gao amu thu imu diu ahi. Pathen hiche gu keoseh ho chu Phe le vouvin tom ing ting, vun a katomjol diu, nasunguva haitheina hu kalha lut'a kachohing ding nahiuve. Chutengle Kei-hi Pakai kahi hedoh tauvin nate,' tin aseiye. Pathen in thil kidang abol jinmg thei ahi. Pricilla  centre jonghi Pathen in midang ding gu a ding’a phe le vouva pang ding’a akoi ahi tia kalah ahi. Hinna pe thei Pathen bou ahi. Chutobang chun hospital dung’a damlouho natilkhou nachu tahsaphe leh vouva pang thei ahi. Nalungsung’a nataopehna jong chun damlouho lungsung’a chamna, lung-olna apeh thei ahi. Acts chapter 1 achun lhagao natoh thu akiseiye. Pathen lhagao isung uva aumteng chihna eipeh uva thilpha hetna inei thei diu ahi. Chuteng Pathen dei-deiya ichon thei diu ahi. Pathen in galjona keiya ahi ati. Galjona pathenna ahileh ikimvel uva  itobang thilhahsa, huipi, gopi thohna ding hiojongleh Pathen a kon hetna jouse khokhalsoh chamna, lung-olna inei diu ahi.

4.         Pathen lenggam a dia Nurse hon ipi ibol theiyu em?:

Jesun mivaicha migentheiho kom’a kipana thupha seipeh din eidiu uve. Damlou jouse sum le paiyin genthei hih jongleu, abon uva lung genthei tah a hinkho aman u ahi. Amaho tobang kom’a chu itobang kipana thupha napeh thei diu ham? Abailam tah a bolthei pen chu mailhaisel’a leh nuiseova kihoulimpi dinghi hinte kagel’e. Odamsel’a gah hou, lungsetna leh ngailutna neitah a gah tham tiho jong hi ibol thei uh ahi. Keiho jong HIV a damlou ho toh kisin kahiuvin, kahetthemlou lai chun gah toh khah ding kana kichan ahi. Tun vang kahetthem phat in lungset tah a khatvei chu HIV a damlou ho khat kakoi leh akapleuvin ahin. Mivetnem, min anahsah nomlou amaho tobang mi eingailu aum’e ti ahet teng uleh along uh nom asah jiu ahi. Khatvei hi nute nikho in Dimapur a pahcha kachoiyun hospital a um nuteho kagapeuvin ahileh amitlhi long lou aumpoi. Atamjo tobang ajen le diu umlou ana hiuvin, keihon ngailutna neitah a kaga vil uchu along uh atongkha lheh in ahi. Asatah a gah tohkhah kiti hin ngailutna inei avetsah ahi. Satribari hospital jong adamlou atamjon til lai chun nursing care hoijeh in ana del jiuvin, kipaman jong ana sang jiuvin ahi. Hitobang’a boljom peh diuvin tunin kachou kit naban uva chi leh meivah a ipan diuvin iki tiem kit uve. Thusei leh mihil in pang hih jong leu hen neocha cha ibol thei houva pan ilah diu hi thupi ahi. Pathen lenggam natohna a Chol(Yeast) panmun ihi diu hi kul ahi. Nurse natoh hi chol panmun lahna ding’a kijen pen khat chu ahi. Mitamtah lah a chol panmun ilah thei diu hinam?kikhol ute. Iti chol panmun ilah thei diu ham gelthuh leu hen Pathen in chihna eipe nauvin te. Mihon itohphat mu hih jongleu ipau Pathen in amusoh in ahesoh nai.

Achaina in ibon Chauvin Paul in 2 Thessalonians 3:13, “Sopite, nang ho vang thilpha bol nan chimtih neilou jen'un” tia asei bang’in, eiho jong thilpha bolna lam’ah cholpou hite. Damlou, lunglha, kinepna neilouho damsah ding’in panla cheh utin Jesu khut le keng’a pang din iki tiem uve. 

 

***

KWSG Fathers Day

June 17, 2017

 “Mipa-Insung kongtol”

Nu Hevei Haokip, Registrar AGMA.

Sermon text Gen.7:1-13

 

Kitilkhouna thei tah muthei in video clips, “Paten chate neolaiya thudoh ho, thaselou hel a avel2 a ana seipih jiu thudol” leh “Chate  hon deikiplalna hiche leiset mun a nu-le-paten nei-le-gou alamdoh ho ahoi/aman tamdan hetding poimo dan” mipi ana vetsah in ahi.

 

Houbung La 52 chun, “Jesu Huhuhingna kongtol” ahi dan lasem pan aseiyin ahi. Sochatna kong nikhat kaltou ding, Jesu sochatna kongtol ahi; Kong sung’a chu namtin kimsoh ding, Apuilut ding vanchung gam nom’a.... Zion gam jon ding kong dang umlou, Phat hom’in hunglut in kong sunga... Hung kile lou ding kou jongle chun; Zion gam nom em lam kai tading, Nang naka ding twikhanglen gal’a..Kong sung’a insung mi kimlouva aumkhah ding akhoh lheh e.

 

Insung hi nia khen theiyin aseiyun khat chu Insung lenjo atiuvin hichu Houbung hi ahi. Houbung luchang chu Christa ahi. Nina achun Insung neojo atiuvin, tua eiho insung hi ahi in, a lamkai mipa te nahiuve. Lamkai lah a hahsa pen a kisei chu insung a lamkai hi ahi akiti. Pate ho Pathen in akhuttah a leingan alah a ama mel a nasem jou uva, hu nalha khum uh ahi, loupi nakisah lou u ham?

 

Ningkum 2016 in Pate nikho ina mang’un, Pathen phat tep dungjuiya Pate ana umtalou jong insung a um tei ding ahi. Lunghel le lung thomhaona tah a hinkho mang ium khah uleh Psalm 68:5 “A father to the fatherless, a defender of widows, is God in his holy dwelling” asei hi geldoh kit ute.

 

Kong thusim esei teng ihet soh kei uchu Titanic chu ahi. Abang chun nungahnu le gollhangpa kilhahlal aponan, abang in michujat athi jeh in akilungnan ahi. Athusim hehon asei dan uvin, Titanic hi Titans kiti namkhat min a kon a kilahdoh ahi atiuve. Titan hohi Pathen jabol lou, kicha lou chuleh dou nam mite ahi. Aneipa in leiset chung’a kong lenpen ahi jeh in akiletsah pin, Pathen jeng in jong twilah a lhahlut sah thei ponte tia ana gel u ahi, tin akiseiye. Kongtolpan jong chu achena lampi akhel ding’a thupeh 21 veiyen kipe ahin, kisong behseh a mi thusei ngailou vin achena ngai2 a che jeh a toset chang ahi tin asei uve. Chuleh akison behseh jeh uchun, thil ngaicha ho –binocular/doorabeen, SOS message thotna ding’a signal color, life boat etc kiti alhing’a akipohlou jeh uva mi chu jat thilo ahi atiuve. Ima jouse kisuhmo na ngan jengbou ahi tai. Insung kongtol pan jong insung ding’a thilneo cha2 poimo nasahlou ho ipi2 um em? Pathen thupeh juilou ipi2 um em, kikhol ute?

 

Pate hi insung’a ding’a lhagao lamkai (spritual leader), thempu (priest), pastor, teacher, doctor, engineer etc nahiu ahi. Jan khangkim laiyin nacha ham najinu ham dammo jeng taleh pastor or doctor lah kouphah in umpon tin, hiche teng chuleh pastor panmun nalo a nacha-naji chung’a nakhut nagap a taona naman pih ding ahi. Light aset jong le nuten kisem theilou ahijeh a, engineering khel2 simhih jongle chun bulb beh ham chu nagah khel ji ngai ahi, na? Lamkai in Pathen agin le malam navah a chuleh lolhing ahi. Vetsahnan George Washington hinkho thusim veu te. UK a kon, ajamdoh jou uva America agalut uchun, UK noiya koi tei nading in lengten asepaiho anungdal sah kit tan ahi. UK noiya anop tah uva Pathen hou hihen ipi hijongle abol thei lou jeh uva jamdoh ahingal jeh uchun, UK sepaiho toh kisatpi din lung angaito tauvin, panmun alang2 in akisem cheh tauvin ahi. UK sepia lamaki khat in guhthim in America langho panmum agavelhi in ahileh George Washington dilsua taona aman aga mudoh phat in, hiche ho vang hi Pathen toh pangkhom ahi in kijou ponte ati tai. America lang’a lamkai pa George Washington in Pathen ason jeh a gal jona chang ahi. Chleh aman ichang2 uva adinsot thei lou diu jeh in hingkhom tau te atiu vin, USA ahin semdoh uvin, tuchan in a President pao umna George Washington city akitin, thusim a haimil theilou khat ahi tai. Insung lamkai mipaten Pathen songpum’a insung napui pouleu nikhat le galjona inei diu ahi.

 

Noah thusim veu hite. Chubang’a leiset mihem phatlou kisei laiyin Noah vang michon in achon pon ahi. Pathen in kong sui ding’a asei jong chun nipi lai akiti vang in abol jeng in ahi. Ama chang in kong sui louvin aji achate jouse jong pan alacheh e. Aji-achaten jong phunlou hel in apa thu anagiyun ahi. Eiho vang kaching in kathem iti jiuvin ipa tetoh ikinel jiuve. Noah ipi jeh a aji-achate athunun thei ham, pate ho gel tem ute. Gen 6:9 chun, “Noah hinkho chu hiti ahi: midih, akhang sunga nolnabei, Pathen to kivop jing mihem ahi” ati. Pathen toh kivop kilhon jing ahi jeh a achaten athu angai u ahi.

 

Joshua 24 sung chu isim teng Joshua hi lamkai kicheh ahi mudoh thei ahi. Insung’a jong mipa ho kicheh ngai ahi. Thusei lasah kicheh lou teng chate mathah jiu ahi. Joshua in amite ahil hi lung sa-ih nading beihel ahi. v15 Pakai kinbol ding nadaule, koipen kin bolgo nahiuvam tunin kilhen'un, Mesopotamia gama napu napateu hou pathen ho ha, ahiloule tua nachen phau Amor mite pathen ho hougo nahiuvam? Keile ka-insung miten vang Pakai kin kabol diu ahi," ati.  Joshua in ainsung akihuitup e tijong mudoh thei ahi. Alangkhat a insung’a khat vang alhasam aum tei ji-e akitinai, mipa ten insung kikim sel’a Pathen angsung nalhut diu hi poimo ma2 ahi.

 

1Sam 30 sung isim teng, Pate ding’a thilkoh tah khat mudoh thei aum’e. Amalekten Judah gam lhanglam gamkai abulu'vin, Ziklag kho asattauve. Kho ahal lhauvin,  numei jouse akaimangtauve; khen beihel'in mihem abonchan akaimangsoh hel'ui.  David-in Pakai adongin, "Michomho del leng gaman jou nang em?" ati. Pakaiyin, "Del'in, manin natin, sohchang ho jong huhdoh nan nate," atipeh e. David-in sepai ja li puiyin akitol paiyin, sepai ja ni vang achol behseh-uvin luidung galkai lel in aumden tauve akiti.  Amalekte chomdoh jouse le ami mat jouseu, David-in akinung lah soh keiyin, imacha jong amangden aumpoi. David-in asepaite jite le chate jouse le Amalekte chomdoh thilkeo jouse ahin nungpoh kit tai. Pate ho naji-nachateu hoilai gei gam hitam? Kikhol ute...David in Amalekte adel in, achomdoh ho uleh aji-achateu hojouse aga kinung lahdoh kit uve.  Na insung ichan gamlha a satan in alhut hitam, del phah a aum pet in del loi ute tia iki tem kit ihiu ve.

 

Paul in 2Tim 4:8 a ana sei chu geldoh ki ute. Tukal sea vang keima dinga themchan na lallukhuh chu koisa ahitai, dih tah a thutan Pakaiyin hiche Nikho chule eipeh ding ahi, kei keo hilouva ama hungkit ding ngailu jouse jong ahiuve. Hahsatna tampi umjongle mitlhi pum’a tao pum in pontho tah in pang ute. Mithli hi tolchulou ahi, aman tam ahi. Psalm 56: 8, “ Kagimna nahesoh keiyin, Kamit lhilon namelchih jingnan, Abonchan nalekhabua najih lutsoh tai!” ati. Pate ho insung’a din mitlhi long pum in tao jing ute, mitlhi kikhol ute, Pakai ang’a isan na ding’un. Kumkit Pate nikho damtah a imu kit nadiuvin tao utin Pathen in athu phatthei boh tahen.

 

 

KWSG Nute Nikho

Dtd. 14-05-17.

 

Sermon theme “thouvin thouvin Deborah” Judges 5:12

Tunikho hi kipana nikho hijongleh mi kon khat ding a Mix feelings- anu umtalou, abang chu anu um jongleh seitheilou boina jeh a ngailutna neitah a heno titheilou dimset ding ahi.  Ipi hijongleh Pathen cha ihi jeh uva pohgih epoh hou eisuhlhah pehthei Pathen inei jehun, amasan hiche ho chu sumil utin Pathen thu ngai din iki tiem uve.

Tunia jingunnho liem tadiu hite. Nute ho mou kanei tai ti jouse hung ding uvo?
Tehpi tutun kaneiyin Pathen lungset in adam nalaiye tijouse hung ding kit uvo?
Tun Pathen phattheiboh changin minu khat kahitai tijouse hung ding kit ute?

Ibon chauva cha ihi soh keiyun, hijeh chun Bible lungchin chang khat chate ho ding'a asei chu Sunday school a jong ina sei sao ahi tan avel in seikhom ute. Ephesians 6:1

Eiho literature hin nu akisei masa pen e. Vetsahnan Chun-le-Jo, Nu-le-Pa, Pi-le-Pu...ivet leh aloupi mama ahi. Ikipa jong le, ihahsat jongle heno kiti cheh ji ahi. English ten thuchang ngainom umpen atiuva chun; Mother, Home & Heaven ho hi ahi atiuve. Insung'a nu aumlou leh insung alhing jou ji poi.

Bible a nupha tamtah thu akisei yin, aphalou jong akisei ye. Tunin aphalou ho geldohda tadiu hitin, apha holah a mi thum ho thusim ngaikhom ute.

Nute nikhoa thusei ding'a eihin gon laiyun, kalung thim a kilang jing la khat chu, "Heno kei chapang kahi laiyin Pathen thu eina hil le chun kei hiti ponge, tun damun jon ding kahi tai.." Hiche lasapa hi anun Pathen thu ana seipeh manlou, thilphalou abol jeh a khailih a umding, thiding mong² a um akihet, damun alut ding kichet tah a ahet hidin tahsan aum'e. Athi ding kon chun anu ahin geldoh tai. Ana-e na? Lainat um nasah lou ha?

Tunia thupi ding’a deilhen, “thouvin thouvin Deborah” Judges 5:12 hi la ahi. Deborah le Barak in Pathen vahchoi la ana sah lhon ahi. Bible a hin lasa aum sao2 in, Mary, Hannah, Deborah etc... La asah houhi gal tamtah asat uva, gentheina tamtah ato uva, kana tamtah ato uva, mitlhi tamtah asen jou uva, asah jiu ahi.

Joshua  abul lang chu isim teng, Pathen mipa Mose thi jouvin Joshua ahung lamkai in Canaan gam alhun pi tai. Canaan alhun vang un nomtah a vangam tabong a cheng hilou u ahi. Canaan gam alhun phat uva gal ahin sat pan uhi, atiu chu. Gam tamtah toh gal kisat uva, gal ajo jouva, gam kihom bou ahive. Tahsan chaten jong ipenthah nia pat gal sat ding tamtah umnalai ahi.

Israel lamkai luiho Joshua leh agolpi ho athi jou phatun Israel ten Pathen phatna ho asumil tauvin, Pathen dounan achonse tauvin ahi. Pathen lunghan na akiboldoh tauve. Israel te lungdon aumna nao chu chomkhat jouleh Pathen phattheiboh naho asuhmil lei² jiu hi ahi. Jatdang ho toh kicheng uva, milim doi semthu ahin hou uva, Pathen doumah² a um ahiuve.  Ehud khut veilongpa, manthei behloupa (unlikely person) chu Pathen in ahin mangcha kit in, gal ajo sah kit tan ahi. ahinlah phat chomkhat jouvin Israel ten abol ngai2 abol kit un ahi. Eiho jonghi ichan gei ham khat Israel chate toh ikilo nau umdalou ahi. Eiho jong tua generation hi hung kichai leh ipi ihungso diu ham? Lungim um ahi. hiche jeh a nute napoimo uh ahi. India te ding’a father of nation Mahatma Gandhi in India khonung ding nute a aki ngam’e ana ti. India 1st PM Nehru in jong Nute thupi dan hitin ana seiye, “”Mother Terasa jong chaneilou ahi vang’in mijousen mother tin ihiuve.

Deborah hi BEE/KHOI tina in aki hei. Khoi hi apon na pontho, aju lhumkei semna ding’a kichol manlou ahi. Ahinlah amelma te ding’a akhohdan chu, mi ape le agu nat dan2 chu thoh hah ahi. Khoipe jeh a mi athi jong igam sung uva aum’e. 

 

Jan.22, 2017: KWSG Sunday Worship Service

‌Plan to Successful life Rev Dr J.M Pau

Sermon text Joshua 1:1-9

Leadership promises for everyday a ‌Daily devotional reading, John C Maxwell lekhasuh tukum simdin kadeilhen in, aman aseinah lamkai nahi dinga ahileh strategy, che nading, ,ipiho nalamkai nading thilgon chu nanei angaiye tin Joshua Chapter 1 sunga kon in pansan nasah tah in aseiye.

‌Tunin Successful life thupi mangchan Joshua1:1-9 sunga, John C Maxwell jih hilouvin, Pathen in taona kaman jouva eihetsah thil nga – 5 "P's" ho chom cha-cha in seikhom ute. Hiche ho chu:

1.      Plan of God (v.1-2): Pathen in thilgon anei in, hichu Canaan gam lhunpi ding chu ahi. Pathen in Mose kom a Canaan gam umding dan aseipeh chun bongnoi le khoiyu lon na gam hiding ahi atipeh e. Canaan alhun phat uvin bongnoi jong ana umhih in, chule khoiyu ana umchom hih e. Ipi dinga bongnoi le khoiyu lon nag am ati khoh2 hin tem. Ajeh themkhat veute. Pharaoh khutnoiya kum 400 val sohna genthei tah a ahin toh uchu gel leu hen, alungthim uva, khang li (4) khang nga(5) soh na kahin toh u ahitan, soh hi keihoa ding ahi mong'e tia thil dang kilang talou ding, sohna tohding bou alungthim uva um tei ding ahi. Alangkhat a kapu-kapa khang a pat hin kibolpeh ahi ati thei uh ahi.

Hiche ho lah a chu Pathen in sohna bou tong ding nahi pouvin, neh nen na gam, nom tah a khohsah nagam aum'e atipeh nom ahijoi. Amaho khanga geography lekhabu ti lah umpontin, agam um dan ahetlou diu ahi. Hijeh a chu athanopna thei diuva lumgmit a amu/ahet thei diuva (lunggel thei nading/pictorial language) bongnoi le khoiyu lon na gam atipeh ahi pen e. Nisa noiya ulsa long'a genthei tah a natong hon bongnoi le khoiyu lon na gam a achen diu kitipeh chu athanop diu dan chu (motivation abolna).

Pathen in plan anei in, Egypt a genthei tah a natong ho chu Canaan alhut ding. Canaan alhut bep hilouva a gam jong apeh ding ti pa chu ahi.
‌Pathen in eiho dingin jong thilgon anei in, moh a Guwahati kium mai mai hilouvin ium tah2 u ahi. Eiho hin mai2 kiti thucheng imang nom keu uvin, mai2 hilouva tah2 iman uh ngai ahi. Pathen in ei sem mai2 uh ahipoi. Hin mai2 lou ding, hin tah2 ding ahi. Pakai thisan in alhatdoh pou2 mi ho chu ahing mai2 umlou ahi. Chujeh chun Pathen in eiho dinga jong thilgon anei ahi in, tua idin mun chan iphah bep hi Pathen thilgon hilou lai ahi akisei thei in, kalhun lou lai ahi ti het chu akul’e. Hinkho maban ichan iphah ding kihelou lai ahi. Pathen in keiya ding’a athilgon kalhun loulai ahi ti kihet pou2 pa chu ahi. Israel te jong Canaan lhung pai lou ahi. Alhun jou uva, gam akihop jou uva jong mi hon gam sung’a lou ana lho nalaiyu ahi.  Pathen in thilgon aneiyin, hiche thilgon hi kei ding’a jong thilgon aum’e ti gel ding’a poimo ma2 ahi.

2.    Promise of God (v3): Corporate/Society/Houbung ding’a jong thilgon anei ahi. Donald Trump inauguration chu atam jon ivet tei diu ahin, CNN navet pou2 uleh 70% tobang mihon US President Hillary Clinton kai tei2 ding’a aginchat ahi. Donald Trump kai ding’a sei ho chu 20-30% bep bou ahi. Thil kidangtah asoh in, ipi ding’a Donald Trump lhing mai2 hilouvin lhing tah2 ahi dem? Hiche thilsoh a kon in Pathen in nasatah in taona adonbut e ti akihedoh theiyin ahi. Franklin Graham chun khopi 70 tobang’a America election ading’in mobilisation abol in ahi. Evangelical christaian hochun tuchung election hin vang, Pathen in thilgon aneiyin, Democrats hon kum 8 sung’a apoh sung chun US sunga restaurant a Bible kichoilut ham, kitao ham chu mihon avetda ahi. Chubeh hilou vin school chapang khat chun Jesu lim alekha kah a ana jep khan, class sung’a lekha aphet leh ahung kitanglhan, a teacher nun hiche hi koilim ham atileh, ama nu chun kei Christian kahin Jesu lim kahin kichoi ahi atipeh le teacher nun school a houthu kikhah ahi atin, Jesu lim chu achohpha sah in chil asset khum sah in tuklal nahin choi tah lou ding ahi. Education centre pou2 a religion kidei lou ahi ati peh e, akitin ahi. Pakai Jesu lim a um thei hih in, amavang class 5 chung lam nahi pou2 le, naovop hon jong naosuhlhah chu anu-apa phalna louva jong abol jeng theina phalna um ahi. Ipi ding’a hichu um thei ham? Tua jong Donald Trump doudal a kijot ho khu atamjo numei group ahiuvin, amahon akichat uchu abortion clinic kikha ding hi ahi. Ama hon abortion thucheng aman lou u ahi, plan parenthood tijoh a aseiyu ahi. Ama ho hin katahsa chu keiya ahin kathu-thu ahi. Nao kavop le jong, asuhlhah ding chu keithu ahi, government in khah thei ponte atiu ahi. Democrats chu kadem nale aphapoi kati mong ahipoi. Pathen thu mong2 umtalou ahi. Mathew 5 ho chu umtalou ahijeh a chu athutah pa chu kisei ahi. Kumseh leh lhathum kaga um jiu vin, eimi lah a thu kaga sei jiu ahi. Education book a akijih khat chu kasim le student chun kei pasal kahi nom nai ati masang’a, pasal hilou thei ahi tia kijih ahi. Numei/pasal hina ding’a ama nu/pa nop masah ngai ding dan. Eiho bang’a naosen pen teng pasal nanei te, numei nanei tai kiti theilou. Chujeh a chu bathroom kiboina jong um ahi. President Obama chun we need to erect a monument for the transgender atin ahileh Franklin Graham chun Obama lekha athot in that could be a sin monument ati peh e. Aman asei chu keiho Bible a semtil in Pathen in pasal le numei asem’e ati. Nang deilhen a numei/pasal kinga ding ahipon, Asempa deilhen dungjui a kipeng ahi. Pathen in neutral gender in mi asempoi. Leiset a hi Pathen thu umlouna a bathroom jeng jong kimang theilou ding’a um ahi. Chu jeh a chu Pathen in thilgon aneiyin, athilgon tobang’a iche le anom inachutilou leh hinkhoa hahsatna umtei2 ding ahi. Pathen thilgon bang’a iche le lolhinna um ahi. Pathen in Jordan vadung kaipi in ajehchu hiche miho alo na ding gam apu-apa kom a kaseipeh chu lhunpi tan ati. Eiho jong Christian hinkho hi maljin tabong ihiuvin hijeh a chu thilgon angaiyin ahi. V.3 achun Pathen akitep in Mose kaumpi bang’a kaum pi ding ahi ati e. v.4 achun gamgi diu asei peh in, lhang lam (south) Sinai nelgama pat  Israel hon tuhcan a alo khah lou lai u ahi. sahlam (North) Lebanon molsang niso lam (East) luipi len Euphrates a pat Hit mite gam, nilhum lam (West) Mediterranea Twikhanglen gei ding ati peh e.  Pathen in agamgi asei peh in, condition khat aum’e. Condition chu na keng’a nachot chot nachan ati ahi. christain hinkho nomtah a mang ding’a Pathen in adei ahi. Hijeh a nalo gam ngai ahi. Thu kasei nah a KWSG Bible simchai ding 44 um ahi tin kasei in ahi, nana simlou ule athusei pa chu ajousei kahi di tai. Kei chun Bible simchai ding houbung khat a mi chujat umchu loupi kasah ahi. Tukum keiho inko thilgon khat chu Genesis apat kasim pan u ahi. Tamtah simpa hilouvin isim chan hetding, kum lhun teng hoichan kilhung em ti chu kavet nom u ahi. Bible sim ding ahi. Pathen a kon a phattheiboh jong chu ilah ngam ngai ahi. Pathen in apeh ho chu tahsan na lah ngai ahi. ZCF a jong kasei in kum 7 lang na pastor u kahin, tukum vang itao dan ilhet/khel diu ahi. itao teng, Pakai ahitheiya ahile tilou ding ahi. Ama lang chu hithei jing ahin eiho lang hithei sah ngai ahi. Pakai nang lang ahi thei nai, Pakai in nei pen, car nei pen ti ding ahi. Pastor khat hinan member hon in thah nei uhenlang kilhan leh, car jong second hand bep hilouvin athah ho jong kilhan ji leh tin kagel kom jong aum’e. Eimi ho vang nampi kikhop itiu jongle scooter khat le ni, cycle atamjo, adang chu keng a hung...tun vang aphadom tai. In/car chu mu thei ahi jeh a kasei ahi. Jan nilhah in Joni Erickson Tata “the theology of suffering” kaven kamit lhi along leivin ahi. Miss california ana hin, melhoi tah..swimimg pool a dive abol leh, twi chu ana thuhlou jeh in atingpi gui akisu khan achatmo tan ahi. Achamo phat in katao teng Pakai tuni nang kapoi moi. Kum somli (40) kakipalou nading sang in kakipana atamjoi ati e. Aman aseiyin keiho ding’a vangam lhun din tichu anop a nom ding ahi ati. (youtube ana ve mai tau te). Pathen in promise Israel ho apen apeh chu ipi ham ati leh nagam gi hiche hohi ati peh e. Lengpa Solomon khanglaiyin Lebanon chan alo nauvin ahi vangin Euphrates chan lhunglou lai ahi. tua neo cheh ceh ahi. ipi jeh a Pathen in gamgi peta a, agam apehlou ham iti leh, gal asat jing ngai ahi. pathen in lhagaova phattheibohna ho jong chueima tahbeh in tahsan a kilah chan2 chu eija hiding, nalah lou leh lhagaova vaicha tah a naum thou ding ahi.tunjong kapenthah tai tia, lhagaova vaicha tamtah ium diu ahi. Pastor pa taona katahsan in amavang kei tao leng Pathen in eidonbut pon te. Pathen in mijouse taona angai nom in ahi.

3.    Power of God (v5). Pathen hi thilbol thei tah a. Nahinkho a hin mihem koimacha namasang’a ding ngam umlou ding ahi. Amavang Joshua chu kicha jing. Anoi lang chu sim leu chun thum veitah hang in atin ahi. Namasang a koima ding theilou ahi ati vang in, Joshua chu hangsan tah hileh kilom ahin ahinlah hang in ti ngai jing khat ahi. Pathen in ama tahsan ho ding’in thaneina lentah apen, taona a gaso ding ahilou leh imit a muthei ding’in Pathen in thil kidang abolji e. Itahsan na a kingam ahi.

4.    Ponder the word of God (v7-8). Pathen danbu ngaito jing ding. Jet lam ham vei lam chun cheda lang ati chu. Na jui pou2 le na lolhin tei2 ding ahi tin nei vei jen akimin phah e. DM college kailai in sure success kiti lekhabu, sure success geography/commerce ana kicho jin, hiche lekhabu question and answer ho chu isim pou2 le success kihileh kilom tah hi jeng ahi. Pakaiyin hiche chang 6-7 sung’a hin lolhin ding thucheng kijom’a (success repeatedly) kiseina mun khat ahi. Na lolhin nading chu Danbu chu hen. Tukum sung se le phaleh Bible nakichoh uva, houin a nahin choi nomlou jongle akhohpopi ahin nain mun a nasim tei2 diu deisah ahi. ken jong tamtah vei kasim tan, tua kahin choipa hi kumli lang kahin sim ahi tan, naha sim chan a chu seloi2 ding ahi, nanu rifle a galmi nakap theilou ahi bang’a na lolhin na ding’a Pathen thu nasim a nahet ngai ahi. Psalms 119 a chun lolhin na ding’a Bible aseiyin ahi. Korea pastor khat Dr Won Soli chun inventions/ discoveries ho jouse veleu hen amudoh ho hi Bible belt a kon hungdoh ngan ahi ati. India in Indus valley civilization inei uvin ahinlah tuchan in toilet neilou 60% hinalai ahi. kum 2000 masang’a Indus valley, Harappa kitiho akisei vang’in atah tah a kimang theilou ahi. Egypt jong Pathen thu ahetlou jeh uvin tuchan in gam khangtou lou lai ahiuve. Delhi a golhang chingthei tah khat chun houin kikhen jouvin kakom’a ahung in culture hoitah inei hoihi Christianity in asuhmang gam ahitai atin, nangin dih nasah em? ahung tin ahi. Amapa kom a nagel chu ase e katipon, ahileh, iculture hoi ma2 chun asuhset ipi2 ham kati leh akhutjung ahin lhet in, asim ding chu tam ma2 hileh akilom’e. Ama kom a chun lu kitan, lu kila, kao le bel kicha khosa ihiuvin, hiche ho akipai doh a pat a mivet dan, khohsah dan nom a ahi. Vangam lhun le lhunlou thu chom ahin, koipa ham khat thusei hileh Christian akihi anop dan2 ahsa jong akine thei ahi tai. Pathen thu alhun na chan a thil kidang aum’e. Israel commando ho Gaza a galkap a ache kon uchun Psalm 83 asim un taona aman jouvin acheu vin ahi. Commander pan asei nah a chun thal hoilang’a kon hung ging ding, bomb hoiya kon, rocket hoiya kon hung ding kihelou ahin, ahin Jehovah Pathen nang tailou son ding kanei pouve, kagalvon  uva kisong thei kahi pouve atin ahi. Gal kichai in ahung kile doh uleh mikhat bou akisu khan ahi. Pathen thangvah nan taona kap pum2 in amang uve tin asei uve. God centre society hi apoimo in ahi. Lolhin na jong a reference Pathen pansah ding poi mo ahi. Pathen toh nakivop lou leh na reference chu thildang hiding ahi.

5.    Presence of God (v9): Tukum Pathen in lam eijotpi ahi ti het a, lam eijot pi nai. Niseh a eiveng nai. Tujingkah chun walking kachen, kakom’a kolho chun nisa chu aven ahou vun ahi. kei in vang nisa chu kaven Pathen nisa hi nanop le natu chah thei ahi. sceitific mind achun hungsoh navet ta tithei ahi nai. Ahinla Pathen he ho ding’a chu nisa hungso jong kipa um ahi ajeh chu Pathen in athilsem ho asumil pon, eigeldoh jing uve ti kihetdohna ahi.

Tuni lolhin na ding’a isei hou chu, asei jui ho jong lolhina apen, nga amat lou na mun uva nga apen, 2016 a ilolhin nalou mun a jong lolhinna eipe tauhen!

 

Downloads

Your encouragement is valuable to us

Your stories help make websites like this possible.